ۇ ب ت-دا 138 بالل جيناعان ابزال ءابدىماناپ تۇلەكتەرگە كەڭەس بەردى
تەسپە ورتا مەكتەبىنىڭ تۇلەگى 140 بالدىڭ 138 ىن الدى. بۇل تۋرالى ب ع م باسپا ءسوز قىزمەتىنەن ءمالىم بولدى، دەپ حابارلايدى قازاقپارات.
مەكتەپتى جاقسى ۇلگەرىممەن بىتىرگەن ابزال ۇ ب ت-دا بيولوگيا جانە حيميا پاندەرىن تاڭداعان. ەندى مەديتسينا فاكۋلتەتىنە وقۋعا ءتۇسۋدى جوسپارلاپ وتىر.
«مەن ۇ ب ت- نى 21-ماۋسىم كۇنى تاپسىردىم. تەستىلەۋ سۇراقتارى ماعان وڭاي بولدى، ءوزىم وقىعان، جاقسى بىلەتىن تاقىرىپتار كەلدى. تەست تاپسىرۋ كەزىندە بايقاۋشىلار ءبارىن قاراپ ءجۇردى، جوعارى بالدى ءوزىمنىڭ تازا بىلىمىممەن الىپ شىقتىم»، - دەدى ابزال ءابدىماناپ. وزىنە سەنىمدى تۇلەك بولاشاقتا ءتىس دارىگەرى بولۋدى قالايدى. تالاپكەر قاتارلاستارىنا دا تەك ءوز بىلىمىنە سەنۋگە كەڭەس بەرىپ، ساتتىلىك تىلەدى.
«ەندى ءوزىمنىڭ جۇرەك قالاۋىممەن مەديتسينا سالاسىنا تۇسكىم كەلەدى. بولاشاقتا اعالارىم سياقتى ءتىس دارىگەرى بولسام دەيمىن. وزىمنەن كەيىن تاپسىراتىن تالاپكەرلەرگە شپارگالكا سىندى تىيىم سالىنعان زاتتاردى الىپ كىرمەۋگە كەڭەس بەرەمىن. ويتكەنى، ونى الىپ كىرە المايسىزدار، كامەرادان ءبارى كورىنەدى، بايقاۋشىلار دا قاراپ تۇرادى. قاتارلاستارىما ايتارىم، تەك وزدەرىڭىزگە سەنىڭىزدەر، سىزدەرگە ساتتىلىك تىلەيمىن»، - دەدى تۇلەك.
ابزال بوس ۋاقىتىندا كىتاپ وقىعاندى، سپورتپەن اينالىسقاندى ۇناتادى. تۇلەك ۇ ب ت-دا 120 دان استام بالل جيناۋدى الدىنا ماقسات قويعان ەكەن. «مەن الدىما ماقسات قويىپ، قاشاندا سوعان جەتۋگە تالپىنامىن. ۇ ب ت-عا دايىندالىپ جۇرگەندە 120 بالل الامىن دەپ ويلادىم. قازىر 138 العانىما وتە قۋانىشتىمىن»، - دەدى ابزال.
بۇدان بۇرىن حابارلانعانداي، بيىل 21-ماۋسىم مەن 5-شىلدە ارالىعىندا ەلىمىزدىڭ بارلىق وڭىرىندە ۇلتتىق ءبىرىڭعاي تەستىلەۋ وتەدى. تەستىلەۋدىڭ العاشقى كۇنىندە 160 تالاپكەر ەرەجە بۇزدى. بۇل تۋرالى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ بيىل ۇ ب ت-دان كەيىن بارلىق اۋديتوريالاردان جازىلعان ۆيدەولار تەكسەرىلەتىنىن ايتقان ەدى.
اۆتور: رۋسلان عابباسوۆ