دۇنگەندەردىڭ قازاقستان جەرىنە قونىستانعانىنا 138 جىل
ەلوردامىزداعى دۇنگەن مادەني ورتالىعىنا اسسامبلەيانىڭ مەرەيتويلىق مەدالى تابىستالدى. باسقوسۋدا ەتنوس وكىلدەرى قازاق حالقىنا دۇنگەندەردى قۇشاق جايا قارسى الىپ، بەيبىت ءومىر سۇرۋگە مۇمكىندىك بەرگەنى ءۇشىن ۇلكەن العىسىن ءبىلدىردى جانە مۇنداي قوناقجايلىق تەك قانا قازاق حالقىنا ءتان ەكەندىگىن ەرەكشە اتاپ ءوتتى.
قازىرگى تاڭدا دۇنگەندەر ەل ەكونوميكاسىن كوتەرۋگە زور ۇلەسىن قوسىپ، قوعامدىق ومىرگە دە بەلسەندى اتسالىسۋدا.
يدريس ليروۆ، دۇنگەن مادەني ورتالىعىنىڭ ءتوراعاسى:
- ءبىز جىل سايىن مامىر ايىندا جينالىپ، اتا- بابالارىمىزدى ەسكە الامىز. كەزىندە قىتايدا تۇرعان دۇنگەندەر قازاقستانعا قونىس اۋداردى. كوپ جىلدان بەرى ءبىز وسىندا بەيبىت ءومىر ءسۇرىپ جاتىرمىز. قازاقستاندا قوعامدىق تاتۋلىق ورناپ، باسقا ۇلت وكىلدەرىمەن دوستىق قارىم- قاتىناستىڭ قالىپتاسقانىنا وتە قۋانىشتىمىز.
www.24.kz
