قازاقستاندا 1380000 تەڭگە قايتارىمسىز گرانتتى كىمدەر الا الادى؟

استانا. قازاقپارات - بۇگىن، 15- مامىر كۇنى كاسىپ باستاۋعا ارنالعان 1380000 تەڭگە قايتارىمسىز گرانتقا ءوتىنىش قابىلداۋدىڭ 2-كەزەڭى باستالادى، - دەپ حابارلايدى Business.enbek.kz.

مەملەكەتتىك گرانت جاڭا بيزنەستى باستاۋ جانە دامىتۋ ءۇشىن قايتارىمسىز نەگىزدە بەرىلەدى.

گرانتقا كىمدەر قاتىسا الادى؟

كوپ بالالى تۇلعالار (كوپ بالالى جاردەماقى الۋشىلار)؛

اتاۋلى الەۋمەتتىك كومەك (ا س پ) الاتىن ادام جانە وتباسى مۇشەسى؛

مۇگەدەك بالانى تاربيەلەۋشى جاردەماقى الاتىن ادامدار؛

مۇگەدەكتەر؛

اسىراۋشىسىنان ايىرىلۋ جاعدايى بويىنشا جاردەماقى الاتىن ادامدار؛

قانداس قولدانىستاعى مارتەبەسى بار ادامدار؛

قونىس اۋدارۋشىلار جانە ولاردىڭ ەڭبەككە قابىلەتتى وتباسى مۇشەلەرى.

گرانتتار بەرۋگە وتىنىمدەردى قابىلداۋدىڭ ءبىرىنشى لەگى اقپان مەن ناۋرىز ايىندا ءوتىپ كەتكەن بولاتىن.

ال 2-لەگى: 15.05.2023 - 26.05.2023

3- لەگى: 10.07.2023 - 21.07.2023

4- لەگى: 04.09.2023 - 15.09.2023 اراسىندا وتەدى.

گرانت الۋدىڭ نەگىزگى شارتتارى:

- جۇمىسپەن قامتۋدىڭ مىناداي ساناتتارىنىڭ بىرىنە جاتۋ: تىركەلگەن جۇمىسسىزدار جانە جەكە كاسىپكەرلەر (3 جىلعا دەيىن)؛

- جوعارىدا ايتىلعان الەۋمەتتىك ساناتتاردىڭ بىرىنە جاتۋ؛

- «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى سەرتيفيكاتىنىڭ بولۋى؛

گرانتقا ءوتىنىش بەرۋ ءۇشىن business.enbek.kz پورتالىندا تىركەلۋ قاجەت.