تاعى ءبىر لاۋازىمدى باسشى 136 ميلليون تەڭگەنى جىمقىردى دەگەن كۇدىكپەن ءۇيقاماققا الىندى
بۇل تۋرالى بۇگىن الماتىدا وتكەن Х سالىق كونفەرەنسياسىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى ءتوراعاسىنىڭ ورىنباسارى اليك شپەكبايەۆ حابارلادى.
ونىڭ ايتۋىنشا، 5 -قاراشادا ءى ءى م جەدەل-قىلمىس دەپارتامەنتىنىڭ باسشىسى قايرات امانقۇلوۆ 136 ميلليون تەڭگە قىمقىردى دەگەن كۇدىكپەن ۇستالىپ، ءۇي قاماققا الىندى.
شەنەۋنىك مەملەكەتتىك ساتىپ الۋ بويىنشا ءوزىنىڭ قىزمەتتىك وكىلەتتىگىن اسىرا پايدالانعان.
2012 -جىلى ول تالاپقا سايكەس كەلمەيتىن كريميناليستىك تەحنيكانى شامادان تىس قىمبات باعاعا ساتىپ العان.
سونداي- اق 4,5 ميلليون تەڭگە كولەمىندە پارا العان ق ر قارجى مينيسترلىگىنىڭ رەسپۋبليكالىق كوشپەلى كوميسسياسىنىڭ ءتوراعاسى تورەقوجايەۆ ۇستالدى.
«وتكەن 9 ايدا جۇرگىزىلگەن شارالاردىڭ ارقاسىندا 1424 جەمقورلىق ارەكەت اشكەرەلەندى. 795 لاۋازىمدى تۇلعا جاۋاپقا تارتىلدى. ولاردىڭ 9 ى رەسپۋبليكالىق دەڭگەيدەگى جەتەكشى بولسا، 50 ى ايماقتىق دەڭگەيدەگى قىزمەتكەرلەر»، - دەدى ا. شپەكبايەۆ.
اۆتور: گۇلميرا عوسمانالي
