11:00, 18 - ءساۋىر 2015 | GMT +5
بيىل 135 جىلدان بەرگى ەڭ جىلى ناۋرىز بولدى
استانا. قازاقپارات - بيىل 135 جىلدان بەرى ەڭ ىستىق ناۋرىز بولدى، - دەپ حابارلايدى «رۋسسكايا سلۋجبا BBC« ا ق ش- تىڭ مۇحيت جانە اتموسفەرا زەرتتەۋلەرىنىڭ ۇلتتىق باسقارماسىنا سىلتەمە جاساپ.
مەتەرەولوگتاردىڭ مالىمەتىنشە، وتكەن ايدا جەر شارىندا اۋا تەمپەراتۋراسى ⅩⅩ عاسىرعا قاراعاندا ورتاشا 0,85 گرادۋسقا جوعارى بولعان. وسى جىلدىڭ العاشقى ءۇش ايى (قاڭتار مەن ناۋرىز ارالىعى) ەڭ جىلى بولدى.
تەمپەراتۋرا رەكوردتارىنىڭ كارتاسى: قىزىل تۇسپەن رەكوردتىق كورسەتكىشتە جىلى بولعان جەر كورسەتىلگەن، اشىق القىزىل تۇسپەن - ورتاشا تەمپەراتۋرادان الدە قايدا جوعارى، القىزىل - ورتاشادان جوعارى، اق - ورتاشا، - كوك - ورتاشادان تومەن، اشىق كوك - ورتاشادان الدەقايدا تومەن، قارا كوك - رەكوردتىق كورسەتكىشتە تومەن.
باسقارما ءوز زەرتتەۋىندە جەر بەتىندەگى تەمپەراتۋرانى دا، مۇحيت ۇستىندەگى اۋا رايىن دا ەسەپكە الدى.
tengrinews.kz
