اقتاۋ پورتى ارقىلى استىق ەكسپورتتاۋ 133 مىڭ تونناعا ازايدى

اقتاۋ. قازاقپارات - اعىمداعى جىلعى قاڭتار-قىركۇيەك ارالىعىندا «اق ءبيداي-تەرمينال» ا ق (ازىق-تۇلىك كەلىسىم شارت كورپوراتسياسى» ۇ ك» ا ق- نىڭ ەنشىلەس كومپانياسى) اقتاۋ پورتىنىڭ تەرمينالى ارقىلى استىقتى اۋىستىرىپ تيەۋ 133 مىڭ تونناعا كەمىدى، دەپ حابارلايدى «قازاقپارات» ح ا ا ءتىلشىسى «ازىق-تۇلىك كەلىسىم شارت كورپوراتسياسىنا» سىلتەمە جاساپ.

اقتاۋ پورتىندا «اق ءبيداي-تەرمينال» ا ق ارقىلى استىقتى اۋىستىرىپ تيەۋ 2017-جىلدىڭ 9 ايى ىشىندە 269185 توننانى قۇرادى»، - دەلىنگەن حابارلامادا.

وتكەن جىلدىڭ سايكەس مەرزىمىندە اقتاۋ پورتىنان 402,1 مىڭ توننا استىق ەكسپورتقا شىعارىلعان. كورپوراتسيانىڭ مالىمەتتەرىنە قاراعاندا، اقتاۋ حالىقارالىق تەڭىز پورتى قۋاتتىلىعىن ارتتىرعان. مۇندا تاۋلىگىنە 130 ۆاگونعا تيەلەدى. قازاقستاندىق استىقتى نەگىزىنەن يران مەن ازەربايجان ساتىپ الادى.