كوروناۆيرۋس: تۇركىستان وبلىسىندا 131 ناۋقاس باقىلاۋعا الىنعان

كارانتين اۋرۋحانالارىندا 63 ناۋقاس ەمدەلىپ جاتسا، 66 ادام ۇيىندە ەم قابىلداۋدا، دەپ حابارلايدى قازاقپارات ءتىلشىسى.

وبلىستىق قوعامدىق دەنساۋلىق باسقارماسىنىڭ مالىمەتىنشە، ناۋقاستاردىڭ اراسىندا 6 جۇكتى جانە جاڭادان بوسانعان 2 ايەل بار. ال، بۇگىن ىندەت جۇقتىرۋدىڭ 10 جاعدايى تىركەلدى، ءوسىم - تاۋلىگىنە %0,25.

وڭىردە جۇقپالى اۋرۋلار اۋرۋحانالارىندا بارلىعى 610 توسەك بار. وبلىس ەپيدەميولوگيلىق احۋالدى باعالاۋ كورسەتكىشى بويىنشا «جاسىل ايماقتا» بولىپ، 340 كارانتين توسەك-ورنى دايىن تۇر.

COVID-19 ينفەكتسياسى ورشىگەن جاعدايدا ونىڭ كولەمىن 6 ەسە ارتتىرۋعا مۇمكىندىك بار.

پاندەميا باستالعالى ايماقتا بارلىعى 3889 جاعداي تىركەلسە، ونىڭ 2436 سى - سيمپتومسىز اۋىرعاندار. ەمدەلۋشىلەردىڭ %47 - ايەلدەر.

وسى ۋاقىت ارالىعىندا جارتى ميلليونعا جۋىق ازاماتتان پ ت ر زەرتحانا سىناماسى الىنعان. وبلىس بويىنشا ءدارى-دارمەك پەن ءو ج ج اپپاراتى جەتكىلىكتى. سوندىقتان دارىگەرلەر الاڭداۋعا نەگىز جوق دەپ وتىر.