جاپون قوناق ءۇيى 1311 جىل بويى جۇمىس ىستەپ كەلەدى - فوتو
ونى ب. ز. د 705 -جىلى اشقان. بيىل اتالعان قوناق ۇيگە 1311 جىل تولدى.
وسى ۋاقىت ىشىندە قوناق ءۇي تەك جوندەۋ جۇمىستارىنا بولا جابىلعان. باعزى زاماننان بەرى قوناق ءۇيدى ءبىر عانا اۋلەت باسقارىپ كەلەدى.
سوڭعى رەت 1998 -جىلى جوندەۋ جۇمىستارىن جۇرگىزگەن. زاماناۋي ستاندارتقا تولىقتاي ساي كەلەتىن قوناق ءۇيدىڭ ينتەرەرى جاپون ستيلىندە وڭدەلگەن. بۇل جەردە ينتەرنەت پەن تەلەۆيدەنيە بولماعاندىقتان، تەك تازا اۋامەن تىنىستاپ، تاۋ بوكتەرىن ارالاپ، اعىن سۋعا شومىلۋ ءۇشىن كەلەدى.
قوناق ءۇي تاۋلى ايماقتا ورنالاسقاندىقتان، كەز كەلگەن تەرەزەسىنەن تابيعاتتىڭ تاماشا پەيزاجىن كورۋگە بولادى. مۇنىمەن قاتار، كەلگەن قوناقتارعا جاپون تاعامدارىن ۇسىنادى.
عيماراتتىڭ ىشىندە ءداستۇرلى جاپون ستيلىندە ارلەنگەن 35 بولمە بار. بولمەنىڭ ءارقايسىسىندا ءبىر كەزدەرى يمپەراتورلار، اسكەرباسىلار، سامۋرايلار قونعان. كەي نومىردە تاستى باسسەينگە شىعاتىن جەكە ەسىكتەرى بار. ال شومىلۋدان شارشاعاندارى ساۋنادا دەمالۋىنا بولادى.
قوناق ءۇي يەلەرى كوپ جىلدىق تابىستارىن جۇمىستارىن جاقسى كورەتىندىكتەرىمەن بايلانىستى ەكەنىن ايتادى.
