اقمولا وبلىسىندا 130 مىڭعا جۋىق بالا جازعى لاگەردە دەمالادى

وبلىستىق ءبىلىم باسقارماسى باسپا ءسوز قىزمەتىنىڭ مالىمەتىنشە، بۇگىنگى كۇنى وڭىردە 10 مەملەكەتتىك بالالار لاگەرى بار. ونىڭ ىشىندە «زۆەزدنىي» جانە «چايكا» بالالاردى ساۋىقتىرۋ لاگەرى سەنىمگەرلىككە بەرىلگەن.

بيىل العاش رەت كوممۋنالدىق مەنشىك اياسىندا زەرەندى اۋدانىندا «سۇڭقار» ساۋىقتىرۋ ورتالىعى جۇمىس ىستەي باستايدى. جاز بويى جەتى اۋىسىم ۇيىمداستىرىلادى، ونىڭ بازاسىندا 2500 بالانى دەمالىسپەن قامتۋ جوسپارلانعان. اقمولا وبلىسىندا ورنالاسقان لاگەرلەردىڭ جوبالىق قۋاتىنا سايكەس قالا سىرتىنداعى دەمالىسپەن 11 مىڭ وقۋشىنى قامتىلادى. جالپى، سانيتارلىق- ەپيدەميولوگيالىق جاعداي ناشارلاماسا، بيىل لاگەرلەر وتكەن جىلداعىداي 25-30 پايىزدىڭ ورنىنا 100 پايىز تولىق قۋاتىندا جۇمىس ىستەيتىن بولادى.

«اقمولا وبلىسىندا تۇلەكتەردى ەسەپتەمەگەندە بارلىعى 133 مىڭ وقۋشى بار. بيىلعى بالالار جىلى اياسىندا 129 مىڭنان استام بالانى دەمالىسپەن قامتاماسىز ەتۋ جوسپارلانعان. قالا سىرتىنداعى، مەكتەپ جانىنداعى جانە از شىعىندى دەمالىس تۇرلەرىمەن 88 مىڭ بالا قامتىلادى. وڭىردەگى جازعى لاگەرلەردە بالالاردىڭ تولىققاندى دەمالۋىنا بارلىق جاعداي جاسالعان. مادەني- بۇقارالىق ساۋىقتىرۋ باعدارلامالارى مەن ءتۇرلى سپورتىق جارىستار وتكىزۋ، تەاترلاندىرىلعان قويىلىم جانە بەينەفيلمدەر كورسەتۋ جوسپارلانعان. سونداي- اق، سپورتتىق الاڭ، جابىق كلۋب، جاعاجاي سياقتى بالالاردىڭ اسەم تابيعات اياسىندا دەمالۋى ءۇشىن قاجەتتى نىساندار بار»، - دەدى ۆەدومستۆودان.

ايتا كەتسەك، اقمولا وبلىسىندا جۇزدەن اسا مەكتەپتە سانيتارلىق تالاپتار ساقتالماعانى ءۇشىن 120 ادام جاۋاپقا تارتىلعان بولاتىن.

اۆتور: اسلان وسپانوۆ