09:40, 29 - تامىز 2019 | GMT +6
ا ق ش- تاعى باحرەين ەلشىسىنىڭ 130 مىڭ دوللار بولاتىن ساعاتىن توناپ كەتتى
نۇر- سۇلتان. قازاقپارات - فرانسيانىڭ وڭتۇستىگىندە بەلگىسىز بىرەۋلەر ا ق ش- تاعى باحرەين ەلشىسىنە شابۋىل جاساپ، قۇنى 130 مىڭ دوللار بولاتىن ساعاتىن تارتىپ العان، دەپ حابارلايدى قازاقپارات Agence France-Presse اگەنتتىگىنە سىلتەمە جاساپ.
اگەنتتىكتىڭ مالىمەتىنشە، وقيعا ەلشى شەيح ابدۋللا بەن راشيد بەن ابدۋلا ال حاليفا ايەلىمەن جانە قىزدارىمەن گراسس قالاسىندا دەمالىسىن وتكىزىپ، ۆالوريس قالاسىنا قايتىپ بارا جاتقان كەزدە بولعان. ءۇش نەمەسە ءتورت قاسكۇنەم ەلشىنىڭ اۆتوكولىگىن توقتاتىپ، كولىكتىڭ اينالاسىنا كوزدەن جاس اعىزاتىن گاز شاشقان. ارتىنان شابۋىل جاساعانداردىڭ ءبىرى ديپلوماتتى گاز باللونىمەن باسىنان ۇرعان.
قىلمىسكەرلەر قىمبات ساعاتتان باسقا ەلشىنىڭ ايەلىنىڭ سومكەسىن تارتىپ العان. ونىڭ ىشىندە اقشا مەن جەكە كۋالىك بولعان.
تەرگەۋ ءىسى گراسس پروكۋراتۋراسى مەن پوليتسيا قىزمەتىنە تاپسىرىلدى.
