قىتايدا 130 ميلليون جىل بۇرىنعى دينوزاۆر جۇمىرتقاسى تابىلدى
استانا. قازاقپارات - قىتايدا 130 ميلليون جىل بۇرىنعى دينوزاۆردىڭ تاسقا اينالعان جۇمىرتقالارى تابىلدى، دەپ حابارلايدى قازاقپارات.
ChinaNews اگەنتتىگىنىڭ حابارلاۋىنشا، 25- جەلتوقساندا قىتايدىڭ جياڭشي پروۆينتسياسى دايۋي اۋدانىنداعى قۇرىلىس الاڭىنان جۇمىرتقاعا ۇقساس تاستار تابىلدى. ماماندار بۇل تاس كەسەگىندەگى 30 عا جۋىق ءپىشىنى بىرتەكتەس سوپاقشا تاستار دينوزاۆردىڭ تاسقا اينالعان جۇمىرتقالارى دەگەن قورتىندى شىعاردى.
مادەني ەسكەرتكىشتەردى قورعاۋ قىزمەتكەرلەرىنىڭ العاشقى ساراپتاۋ قورتىندىسى بويىنشا، بۇل وۆيراپتور دينوزاۆرىنىڭ ءبىر ۇياداعى جۇمىرتقاسى. وسى وسى كۇنگە دەيىن وتە جاقسى ساقتالعان. سونداي-اق، ماماندار جۇمىرتقانى شامامەن 130 ميلليون جىل بۇرىنعى مەزوزوي ءداۋىرىنىڭ بور كەزەڭىنە تيەسەلى دەگەن شەشىمگە كەلىپ وتىر.
اۆتور: مۇحتار قاليموللا ۇلى
