قازاقستانداعى ءۇش زاۋىت جىلىنا 130 توننا التىن شىعارا الادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «تاۋ- كەن التىن» ج ش س اففيناج زاۋىتىنىڭ ديرەكتورى مەيرامعالي تىلەۋجانوۆ ءمالىم ەتتى.
«ەگەر شيكىزات بولسا، قازاقستاننىڭ ءۇش زاۋىتى بىرىگىپ 130 توننا التىن شىعارۋعا مۇمكىندىك بار. ونىڭ ىشىندە «قازسينك» زاۋىتىندا جىلىنا 52 تونناعا دەيىن وندىرۋگە، «قازاق مىستا» 10 توننا التىن شىعارۋعا، ال «تاۋ- كەن التىن» 70 تونناعا دەيىن وندىرۋگە مۇمكىندىك بار. ورتاشا ەسەپتەگەندە قازاقستان 130 توننا دەڭگەيىندە التىن شىعارۋعا قاۋقارلى»، - دەپ توقتالدى م. تىلەۋجانوۆ.
وسى ورايدا ول بۇل وتە جاقسى كورسەتكىش ەكەنىن اتاپ ءوتتى.
تاراتىلعان مالىمەتكە قاراعاندا، 2015 -جىلى قازاقستانداعى وسى ءۇش اففيناج زاۋىتتارىندا التىن ءوندىرۋ 2014 -جىلمەن سالىستىرعاندا 15 پايىزعا ارتتى. بۇل تۇرعىدا بىلتىر تازارتىلعان التىن كولەمى 30 توننادان استام دەڭگەيدى ءوندىرىلدى.
م. تىلەۋجانوۆتىڭ سوزىنە قاراعاندا، 2015 - جىلى «تاۋ- كەن التىن» ق ر ۇلتتىق بانكىنە 10 توننادان استام التىن وتكىزدى، ال 2016 -جىلى 14 توننا تازا التىن ستاندارتتىق قۇيمالارىن شىعارۋدى جوسپارلاپ وتىر.
