سەمىزدىككە شالدىققان ايەل وتاسىز 130 كەلىگە ارىقتادى - فوتو
ەمما بالا كەزىنەن سالماق قوسا باستاعان. ول ءوزىنىڭ ەڭ جاقىن دوسىنان ايىرىلعاننان كەيىن، قايعىسىن ۇمىتۋ ءۇشىن ءتاتتى توقاشتاردى، گامبۋرگەرلەردى جانە ت. ب. جەي بەرگەن. ەمماعا سەمىزدىككە شالدىققان دەگەن دياگنوز قويىلعان. سول كەزدە ونىڭ سالماعى 190 كەلى بولعان. وندا 40 جاسقا دەيىن ءومىر سۇرە المايمىن با دەگەن قورقىنىش تا بولعان. سول كەزدە ول وزدىگىنەن قاراپايىم ادىسپەن نەبارى 2 جىلدا 130 كەلىگە ارىقتاۋ تۋرالى شەشىم قابىلداعان. دارىگەرلەردىڭ وعان وتا جاسا دەپ كەڭەس بەرگەنىنە قاراماستان، ول ديەتولوگتار مەن فيتنەس-ينسترۋكتورلاردان كومەك سۇراعان.
ەمما ءوز دەگەنىنە جەتتى. ەكى جىلدىڭ ىشىندە ول 32 كيىم ولشەمىن 8 گە اۋىستىرعان، 180 كەلىدەن 56 كەلىگە دەيىن ارىقتادى.
«مەن ۇزاق جىلدار بويى ءوز سالماعىمنىڭ قانشا ەكەنىن ويلاۋدان قورقىپ، ونى ولشەمەيتىنمىن. سالماعىمدى ولشەپ، ءوزىمنىڭ 180 كەلى ەكەنىمدى ەستىگەندە، ءوزىمدى جەك كورىپ كەتتىم. ءوزىمدى قولعا الۋ كەرەك ەكەنىن ءبىلدىم. بۇل مەنىڭ پروبلەمام بولدى. جانە ونى مەن ءوزىم جاسادىم. سوندىقتان دا ونى ءوزىم شەشۋ كەرەك بولدىم. وتا جاساتقىم كەلمەدى. بۇل قيىندىقتى ءوزىم شەشەمىن دەگەن شەشىمگە كەلدىم»، - دەيدى ەمما.
