ەكىباستۇزدىق 1300 دەن استام بالا قىستا ەلدەگى دەمالىس كەشەندەرىندە دەمالادى

بۇل تۋرالى بۇگىن «AMANAT» پارتياسى تۇركىستان وبلىستىق فيليالىنىڭ كەزەكتەن تىس كونفەرەنسياسىندا پارتيا ءتوراعاسى ەرلان قوشانوۆ ايتتى، دەپ حابارلايدى @Pavlodarnews.kz.

«AMANAT» پارتياسى رەسمي كانالىنىڭ مالىمەتىنشە، ءىس-شاراعا پارتيا وڭىرلىك ساياسي كەڭەس مۇشەلەرى، ءماسليحاتتارداعى «AMANAT» دەپۋتاتتىق فراكسياسىنىڭ مۇشەلەرى، باستاۋىش پارتيا ۇيىمدارىنىڭ باسشىلارى، وبلىستىق پارتيا اكتيۆى قاتىستى.

«زارداپ شەككەن وتباسىلاردىڭ باسپانالارىندا جوندەۋ جۇمىستارى باستالادى. وسى كەزدە ەكىباستۇزداعى بالالاردى ەلىمىزدەگى، سونىڭ ىشىندە تۇركىستان وبلىسىنداعى شيپاجايلارعا جىبەرۋگە دە بولادى دەپ سانايمىن. «AMANAT» پارتياسى 1300 دەن استام وقۋشىنىڭ قىسقى كانيكۋل ۋاقىتىندا ەلدەگى دەمالىس كەشەندەرىنە بارۋىنا جاعداي جاسايدى»، - دەدى ەرلان قوشانوۆ.

سونداي-اق پارتيا ءتوراعاسى ەكىباستۇزداعى توتەنشە جاعداي كەزىندە ۆولونتەرلەر مەن پارتيا بەلسەندىلەرى العاشقى كۇننەن باستاپ قالا تۇرعىندارىنا گۋمانيتارلىق كومەكتى تاراتۋعا اتسالىسقانىن اتاپ ءوتتى. تۇرعىندارعا جىلىتقىشتار، جىلى كورپەلەر جانە ءبىرىنشى كەزەكتە قاجەتتى زاتتار تابىستالدى.

ەكىباستۇزدىقتارعا كومەك كورسەتۋ جۇمىسى جالعاسىپ جاتىر.