گاۆايداعى ورمان ءورتى: 13000 تۇرعىن جارىقسىز قالدى
كۇشتى جەل مەن قۇرعاق اۋا ءورت تۇتانۋ قاۋپىن ۇلعايتادى. ۇلتتىق مەتەورولوگيا قىزمەتى ءبىر- بىرىنە جالعاسقان ارالداردان وڭتۇستىككە قاراي قاۋىپسىز دورا قۇيىنى 805 شاقىرىم جەردەن ءوتىپ، وزىمەن بىرگە جىلدامدىعى ساعاتىنا 97 شاقىرىمنان اساتىن جەلدى الىپ كەلدى. ماۋي ارالىنىڭ باتىسىنداعى لاحاينا قالاسىندا تۇتانعان ورتتەردىڭ ءبىرى توقتاتىلدى، ءبىراق ءورت سوندىرۋشىلەر ءالى دە كۋلا قالاسىندا قىزىل جالىنمەن كۇرەسىپ جاتىر.
ماۋي ءمەرى ريچارد بيسسەننىڭ سوزىنشە، ءورت ەكى ءۇيدى، 1100 ا ك ر جەردى جوق قىلدى. ونىڭ ايتۋىنشا، 80 ادام ەۆاكۋاتسيالاندى. سونىمەن قاتار مەر ارالدىڭ سولتۇستىك بولىگىندەگى ءتورت ەلدىمەكەندە 400 ءۇيدىڭ تۇرعىندارى ەۆاكۋاتسيالانعانىن حابارلادى. ورتپەن كۇرەسۋگە كۇشتى جەل كەدەرگى كەلتىرىپ جاتىر. سەيسەنبى كەشكە Hawaiian Electric ماۋيدە شامامەن 13000 ادام ەلەكترسىز قالعانىن حابارلادى. بيلىك وكىلدەرى گاۆاي ۇلتتىق ۇلانى قىزمەتكەرلەرىن ءورت سوندىرۋگە جۇمىلدىردى.
گاۆايداعى ءورت، ادەتتە، ارالداردىڭ قۋاڭ ايماقتارىندا باستالادى. ادامدار مەكەندەگەنگە دەيىن گاۆاي مەن باسقا تروپيكالىق ارالداردا ءورت سيرەك كەزدەسەتىن. ءورت قورشاعان ورتاعا زالال كەلتىرەدى، ماسەلەن، وسىمدىكتەردى جويادى. واحۋ ارالىندا ەلەكتر ەنەرگياسىن تاراتۋدا دا قيىندىق تۋىنداعان. مەتەورولوگتار كۇشتى جەل تۇراتىنىن حابارلاپ، ءورت تۇتانۋ قاۋپىنىڭ قىزىل دارەجەسى ەنگىزىلگەنىن مالىمدەدى.
