ۇلتتىق قۇراما 1300 ادامعا جەتكىزەتىن قاراجاتتى سپورت كلۋبتارى 50 اق ادامعا جۇمسايدى - كريۋكوۆ
«سپورت رەزەرۆىن دايىنداۋ جۇيەسى ەلدىڭ سپورتتاعى جەتىستىگىن ايقىندايتىنىن كوردىك. ۇلتتىق قۇراما كوماندالار جاڭا بۋىنمەن ۇزدىكسىز تولىعىپ وتىرۋى كەرەك. جاس سپورتشىلاردىڭ ىنتاسى بولماۋى ولاردىڭ سپورتتى ەرتە اياقتاۋىنا اكەلۋى مۇمكىن. ۇلتتىق قۇراما كوماندالاردى دايىنداۋ ىسىندە رەزەرۆتىك دايىندىقتى قايتا قۇرىپ، كۇشەيتۋ باسىم باعىت بولۋى كەرەك. ۇلتتىق وليمپيادا كوميتەتى رەزەرۆ دايىنداۋمەن اينالىسپايتىنىن ايتقىم كەلەدى»، - دەگەن كوميتەتتىڭ باس حاتشىسى سوڭعى 3 جىلدا ۇلتتىق قۇرامالاردىڭ قاراجاتى قىسقارعانىن سىنعا الدى.
«قارجىلاندىرۋدىڭ قىسقارۋى دا كەرى اسەرىن تيگىزدى. قازىرگى سپورت قارجىلاندىرۋ ماسەلەسىندە جۇيەلىلىكتى قاجەت ەتەدى. ۇلتتىق قۇراما كوماندالاردىڭ كوشباسشىلارىن دايىنداۋعا قاراستىرىلعان قاراجاتتى 2018-2021-جىلدار ارالىعىندا 90 پايىز كەمىتۋ سپورتشىلار مەن باپكەرلەر پەرسونالىنىڭ ىنتاسىن ءتۇسىرىپ، دايىندىقتى تۇرالاتتى. كۇرەس، بوكس، دزيۋدو، اۋىر اتلەتيكا جانە باسقا دا جەتەكشى سپورت تۇرلەرىنىڭ قارجىسىن ريو ويىندارىنان كەيىن قىسقارتۋ توكيوداعى ساتسىزدىكتەردىڭ نەگىزگى سەبەپتەرىنىڭ ءبىرى بولدى. ريودا ۇتىپ العان 18 مەدالدىڭ 16سىن جەكە باعدارلاما بويىنشا جاتتىققان سپورتشىلار العان بولاتىن»، - دەدى اندرەي كريۋكوۆ.
سونداي-اق، ول ۇلتتتىق قۇرامالاردىڭ ساپالى دايىندىعىنا قاجەت اقشانىڭ ناقتى شىعىنى قازىرگى قارجىلاندىرۋ كولەمىنەن الدەقايدا كوپ ەكەنىن اتادى.
«جەرگىلىكتى بيۋجەتتەردىڭ سپورتقا بولەتىن قاراجاتىن ەسكەرسەك، ۇلتتىق قۇراما كوماندالاردىڭ مەملەكەت تاراپىنان قارجىلاندىرىلۋى سپورتقا جۇمسالاتىن جالپى شىعىننىڭ 6 پايىزىن عانا قۇرايدى. مۇنى ءىرى كاسىبي فۋتبول كلۋبتارىنىڭ قارجىلاندىرۋىمەن سالىستىرپ كورەيىك. ءبىزدىڭ ويىمىزشا، بۇل - ويعا قونىمسىز. سپورت كلۋبتارى 50 ادامدى قارجىلاندىراتىن اقشاعا ۇلتتىق قۇرامانىڭ 1300 ادامىن قارجىلاندىرىپ وتىرمىز. سوندىقتان، ءبىزدىڭ بۇل جەردەگى ۇستانىمىمىز ايقىن. كاسىبي كلۋبتاردىڭ بيۋجەتىن قايتا قاراپ، بوساعان قارجىنى بالالار-جاس وسپىرىمدەر سپورتىنا بەرۋدى قولدايمىز. وليمپيادا سپورتشىلارىنىڭ جەتىستىگى ءاردايىم وسكەلەڭ ۇرپاققا ۇلگى بولىپ وتىرادى. ال كاسىبي كلۋبتارداعى اتى بەلگىسىز لەگيونەرلەر ونداي ۇلگى كورسەتە المايدى. ءبىراق سولارعا قاراجاتتىڭ اۋقىمدى بولىگى كەتىپ جاتىر»، - دەدى ۇ و ك باس حاتشىسى.
