فرانسيا قازاقستانعا 13,6 ميلليارد دوللاردان استام ينۆەستيتسيا قۇيدى
بۇل تۋرالى بۇگىن ق ر ينۆەستيتسيالار جانە دامۋ ءمينيسترى جەڭىس قاسىمبەك قازاقستان- فرانسۋز ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ ⅩⅢوتىرىسىندا ءمالىم ەتتى.
ءوز سوزىندە مينيستر فرانسيانىڭ ەكسپو-2017 كورمەسىنە قاتىسۋى ەكى ەل قارىم- قاتىناسىنىڭ جوعارى دەڭگەيىن ايعاقتايتىنىن اتاپ ءوتتى جانە فرانسيانىڭ قازاقستاننىڭ نەگىزگى سەرىكتەستەرىنىڭ ءبىرى ەكەنىن باسا ايتتى.
«قۋاتتى ەكونوميكالىق الەۋەتى بار فرانسيا قازاقستاننىڭ ەۋروپاداعى نەگىزگى ساۋدا سەرىكتەستەرىنىڭ ءبىرى. ەكى ەل اراسىنداعى تاۋار اينالىمى قارقىندى تۇردە ءوسىپ كەلەدى. 2017 - جىلدىڭ العاشقى جارتىجىلدىعىندا قازاقستان مەن فرانسيا اراسىنداعى سىرتقى ساۋدا اينالىم 1,7 ميلليارد ا ق ش دوللارىن قۇرادى. بۇل وتكەن جىلدىڭ العاشقى التى ايىمەن سالىستىرعاندا، 46 پايىزعا جوعارى»، - دەدى جەڭىس قاسىمبەك.
ءمينيستردىڭ ايتۋىنشا، فرانسيا قازاقستاننىڭ نەگىزگى ساۋدا سەرىكتەستەرىنىڭ ۇزدىك بەستىگىنە ەنەدى. بۇل ەل قازاقستانعا ينۆەستيتسيا قۇيۋ بويىنشا دا بەسىنشى ورىندا تۇر. سوڭعى 12 جىلدا فرانسيا قازاقستانعا 13,6 ميلليارد ا ق ش دوللارىن ينۆەستيتسيالاعان. قازىرگى ۋاقىتتا قازاقستاندا 140-تان استام فرانسۋز كومپانيالارى ءتۇرلى سالالاردا تابىستى ەڭبەك ەتۋدە.
ايتا كەتەيىك، بۇگىن استانادا قازاقستان- فرانسۋز ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ ⅩⅢ وتىرىسى ءوتتى. وتىرىستا ساۋدا مەن ينۆەستيتسيا، ەنەرگەتيكا، سونىڭ ىشىندە جاڭارتىلعان ەنەرگيا كوزدەرى، عارىشتىق قىزمەت، قورشاعان ورتانى قورعاۋ، اۋىل شارۋاشىلىعى، دەنساۋلىق ساقتاۋ جانە تاعى دا باسقا سالالار بويىنشا ەكىجاقتى ىنتىماقتاستىق ماسەلەلەرى تالقىلاندى.
قوس تاراپ ۇكىمەتارالىق كوميسسيانىڭ كەلەسى وتىرىسىن فرانسيادا وتكىزۋگە ۋاعدالاستى. شارانىڭ وتەتىن ورنى مەن ناقتى ۋاقىتى ديپلوماتيالىق ارنالار ارقىلى قوسىمشا كەلىسىلەدى.
اۆتور: ايجان سەرىكجان قىزى
