وليمپيادا چەمپيونى باقىت سارسەكبايەۆ بانككە 13,6 ميلليون تەڭگە قارىز بولىپ شىقتى
31- ارنانىڭ مالىمەتىنە سۇيەنسەك، باتىر ازاماتىمىز بانككە 13 ميلليون 600 مىڭ تەڭگە قارىزدار ەكەن. اتالعان دەرەككوز باسى داۋدان ارىلماي، باپكەرىمەن دە، جۇبايىمەن دە ارازداسقان بوكسشىنىڭ ءىسى ءالى جالعاسىپ جاتىر دەپ مالىمدەدى.
«قازاقستان حالىق بانكى» استاناداعى سارىارقا اۋداندىق سوتىنا سارسەكبايەۆتىڭ ۇستىنەن ازاماتتىق ارىز تۇسىرگەن. بوكسشى 120 ايلىق مەرزىمگە %15 سىياقى مولشەرلەمەسى كولەمىندە 13 ميلليون 600000 تەڭگە نەسيە الىپ، جىلجىمايتىن مۇلىك رەتىندە استانا قالاسىنداعى جەكە پاتەرىن كەپىلگە قويىپتى.
سوڭعى تەكسەرىستەردەن كەيىن سوت ەكىجاقتى كەلىسىمدى جارامسىز دەپ تانىدى. ويتكەنى، ونىڭ ءوز مىندەتىنەن جالتارماق بولعانى انىقتالعان. ەندى بوكسشى بانككە قارىزى مەن مەملەكەت پايداسىنا سوت شىعىندارىن تولىق ءوندىرىپ بەرۋى كەرەك.
ەستەرىڭىزگە سالا كەتەيىك، بۇعان دەيىن باقىت سارسەكبايەۆ تاعى ءبىر سوتتا جەڭىلىپ، وزىنە تيەسىلى اۆتوكولىكتى ەلۆيرا سارسەكبايەۆاعا بەرۋگە شەشىم شىققان بولاتىن.
اۆتور: كۇنسۇلتان وتارباي
