قازاقستاندا قاڭتار-اقپاندا 13,3 ميلليون توننا مۇناي ءوندىرىلدى

None
None
استانا. قازاقپارات - 2015-جىلعى قاڭتار-اقپاندا 2014-جىلعى سايكەس كەزەڭمەن سالىستىرعاندا شيكى مۇناي، تابيعي گاز جانە ءتۇستى مەتالل كەندەرىنىڭ ءوندىرىسى ءوستى.

بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.

اتاپ ايتقاندا، 2015-جىلعى قاڭتار-اقپاندا گاز كوندەنساتىن قوسا العاندا مۇناي ءوندىرۋ 13,3 ميلليون توننانى قۇرادى. بۇل وتكەن جىلعى كەزەڭمەن سالىستىرعاندا 100,7 پايىزعا تەڭ. ال وندىرىلگەن بەنزين 0,4 ميلليون توننانى قۇراپ، بىلتىرعا قاراعاندا 103,1 پايىزعا جوعارىلاسا، ديزەلدىك وتىن 0,8 ميلليون تونناعا جەتىپ، 114,1 پايىزعا ارتقان.

«رەزەڭكە جانە پلاستماسسا بۇيىمدارى، وزگە مەتالل ەمەس مينەرالدىق ونىمدەر، مەتاللۋرگيا ونەركاسىبى ونىمدەرى جانە مۇناي وڭدەۋ ونىمدەرىنىڭ ءوندىرىسى جوعارىلادى. ونەركاسىپتىك ونىمدەرىنىڭ ءوندىرىس كولەمىنىڭ ءوسۋى رەسپۋبليكانىڭ 10 وڭىرىندە بايقالدى.

سونىمەن ءبىر مەزگىلدە، كومىر جانە بىرىكتىرىلگەن تەمىر كەندەرىنىڭ ءوندىرىسى تومەندەدى. تاماق ونىمدەرىنىڭ، سۋسىنداردىڭ، تەمەكى، قاعاز جانە ماشينا جاساۋ ونىمدەرىنىڭ ءوندىرىسى قىسقاردى. تومەندەۋ اقمولا، باتىس قازاقستان، جامبىل، ماڭعىستاۋ، پاۆلودار جانە شىعىس قازاقستان وبلىستارىندا تىركەلدى»، - دەلىنگەن باسپا ءسوز بايانىندا.

اۆتور: قانات مامەتقازى ۇلى

سوڭعى جاڭالىقتار