گرۋزيادا كوشكىننىڭ سالدارىنان مەرت بولعاندار سانى 12-گە جەتتى

تبيليسي. قازاقپارات - گرۋزيانىڭ شوۆي اۋىلىندا تاڭ اتقالى ىزدەۋ- قۇتقارۋ جۇمىستارى جۇرگىزىلىپ جاتىر.

وسى كەزدە قۇتقارۋشىلارعا اسكەر قوسىلدى، دەپ حابارلايدى قازاقپارات نوۆوستي- گرۋزيا اگەنتتىگىنە سىلتەمە جاساپ.

سايتتاعى مالىمەتتەرگە قاراعاندا، بۇگىن ساعات 15:00-دە كۋرورتتى اۋىلدى كوشكىن باسىپ قالعانىنا ەكى تاۋلىك بولدى.

مەرت بولعاندار سانى 12 ادامعا جەتتى، تاعى 25-29 ادامعا ىزدەۋ جاريالاندى. بۇل ساندار قايتا- قايتا وزگەرىپ جاتىر، 210 ادام ەۆاكۋاتسيالاندى.

قۇتقارۋشىلار بۇگىن كوشكىن باسىپ قالعان ساياجايلار مەن كوتتەدجدەرگە دە جەتەدى دەگەن ءۇمىت بار.

گرۋزيانىڭ الەۋمەتتىك جەلىلەرى كوشكىن كەزىندە جوعالىپ كەتكەن ادامداردىڭ سۋرەتتەرىنە تولى.

وقيعا بولعان ايماققا ەرىكتىلەر كەلىپ جاتىر. الايدا پوليتسيا ارنايى دايىندىعى مەن قۇرىلعىلارى جوق ادامداردى جىبەرمەۋگە تىرىسۋدا.

ەلدە ازا تۇتۋ كۇنى 7 -تامىزعا بەلگىلەنگەنىنە قاراماستان كوپتەگەن ويىن-ساۋىق ءىس- شارالارىنا تىيىم سالىندى.

وسىعان دەيىن گرۋزيانىڭ تاۋلى ايماعىندا كوشكىن ءجۇرىپ، 70 ادام ەۆاكۋاتسيالانعانىن جازدىق.

سونداي-اق گرۋزيادا قارالى كۇنى 7-تامىزعا بەلگىلەنگەنىن حابارلادىق.