شەشەسى 12 جاسار بالاسىن ءيتتىڭ ۇياسىنا قاماپ ۇستاپ، تاماق بەرمەي ازاپتاعان

None
ۆەنا. قازاقپارات - اۆستريادا 32 جاستاعى ايەل 12 جاسار ۇلىن قورلاعانى ءۇشىن تەرگەلىپ جاتىر. ول بالانى ءيتتىڭ كىشكەنتاي جاشىگىنە قاماپ تاستاپ، كۇن سۋىقتا اش ۇستاپ وتىرعان، دەپ حابارلايدى قازاقپارات BBC اگەنتتىگىنە سىلتەمە جاساپ.

بۇل جاعداي بىرنەشە كۇن بۇرىن عانا كوپشىلىككە بەلگىلى بولدى جانە ەلدە نارازىلىق تولقىنىن تۋعىزدى.

ايەل وتكەن جىلدىڭ قاراشا ايىنان بەرى ۆەنانىڭ سولتۇستىك-باتىسىنداعى كرەمس قالاسىندا قاماۋدا وتىر.

الەۋمەتتىك قىزمەتكەر دابىل قاققاننان كەيىن ونى پوليتسيا ۇستاعان.

وتباسىنان بولەك تۇراتىن بالانىڭ اكەسى دە پوليتسياعا جۇگىندى.

بالانى تابىلعان كەزدە كومادا بولعان، دەنە تەمپەراتۋراسى نەبارى - 26,8 گرادۋس، بىرنەشە اي ازاپ كورگەن بالا ءولىمنىڭ از-اق الدىندا بولعان.

بۇل جايىندا جۋرناليستەرگە تومەنگى اۆستريا پروۆينتسياسىنىڭ پوليتسيا وكىلى يوحانن باۋمشلاگەر ايتىپ بەردى.

بالا شۇعىل تۇردە اۋرۋحاناعا جەتكىزىلدى، ال كەلەسى كۇنى اناسى قاماۋعا الىندى.

باۋمشلاگەردىڭ ايتۋىنشا، ايەل كۇن سايىن بالانىڭ ۇستىنەن بىرنەشە رەت سالقىن سۋ قۇيىپ وتىرعان، پاتەردىڭ تەرەزەلەرىن نولدەن تومەن اۋا تەمپەراتۋراسىندا بىرنەشە ساعات بويى اشىپ قويعان.

ول بالانىڭ فيزيكالىق تۇرعىدا قالپىنا كەلگەنىن، ءبىراق پسيحولوگيالىق جاعدايى ناشار ەكەنىن ايتتى.

مامىر ايىنىڭ سوڭىندا ايەل جوعارعى سوتقا شاعىمدانىپ، بىرنەشە ايدان بەرى سەبەپسىز قاماۋدا وتىرعانىن ايتقان، ءبىراق سوت ونىڭ شاعىمىن قابىلداماي تاستادى.

تەرگەۋ جازدىڭ سوڭىنا دەيىن جالعاسادى. سودان كەيىن ايەلگە ايىپ تاعىلادى.


سوڭعى جاڭالىقتار