شىمكەنتتە 12 ادامدى سارىشايان شاقتى
زارداپ شەككەندەر اراسىندا ەگدە جاستاعى ازامات تا بار. ول اۋرۋحاناعا جاتقىزىلىپ، مامانداردىڭ باقىلاۋىندا بولدى. ال باسقا تۇرعىندار العاشقى مەديتسينالىق كومەكتەن سوڭ وزدەرىن جاقسى سەزىنگەن.
دارىگەرلەردىڭ ايتۋىنشا، كۇن ىسىعاندا ۋلى جاندىكتەردەن قاۋىپ كوپ. سوندىقتان اشىق الاڭدار مەن تابيعات ورتاسىندا ۇدايى دەزينفەكسيالىق جۇمىستار جۇرگىزىپ، ادام ومىرىنە تونگەن قاۋىپتى سەيىلتۋ ماڭىزدى دەيدى. ويتكەنى بىلتىر 258 ادام امبۋلاتوريالىق كومەككە جۇگىنگەن. ونىڭ 75-ءى ستاتسيونارلىق ەم قابىلداپ، ۇيلەرىنە شىعارىلىپتى.
ءمادينا ەرماحانبەتوۆا، گيپەرباريالىق وكسيگەناتسيا ورتالىعىنىڭ باس دارىگەرى:
- ءبىر ناۋقاس ستاتسيونارلىق ەم قابىلداۋ ءۇشىن وسىندا جاتقىزىلدى. بۇگىنگى تاڭدا ول كىسىنىڭ جاعدايى جاقسارىپ، جازىلىپ ۇيىنە شىعارىلدى. سارىشايان شاعۋى مەزگىلىنە بايلانىستى. قازىر ەندى كۇن ىسىعاندا، مامىر ايىنان باستاپ تامىز ايىنىڭ اياعىنا دەيىن سارىشايان شاققان ناۋقاستار كوپ بولادى.
