استانادا 12 جاسار وقۋشى تابىلماي جاتىر

الەۋمەتتىك جەلىدە وقۋشىنىڭ تۋعان- تۋىستارى مەن جاقىندارى ونىڭ جوعالعانى تۋرالى اقپارات تاراتقان بولاتىن.

«№90 مەكتەپتىڭ وقۋشىسى كەشەدەن بەرى ۇيىنە ورالعان جوق. بارىنشا تاراتۋلارىڭىزدى وتىنەمىن»، - دەلىنگەن الەۋمەتتىك جەلىدە تاراعان اقپاراتتا.

بۇل جايتقا قاتىستى استانا قالالىق ىشكى ىستەر دەپارتامەنتى دە مالىمەت تاراتىپ، پوليسيا بالانى ىزدەپ جاتقانىن اتاپ ءوتتى.

«وسى جىلدىڭ 30-قازان كۇنى ەلوردا تۇرعىنى پوليتسياعا جۇگىنىپ، 12 جاسار بالاسىن ىزدەۋگە جاردەم بەرۋلەرىن ءوتىندى. ۇلى سول كۇنى ساعات 16-00-دە ترۋدوۆايا كوشەسىندەگى ۇيىنەن ويناۋعا شىعىپ كەتكەن. قازىرگى ۋاقىتتا ونىڭ قاي جەردە ەكەنى بەلگىسىز»، - دەدى دەپارتامەنتتەن.

ۇسىنىلعان مالىمەتكە سايكەس، بالانىڭ بويى - 145-150 س م. شاشى قىسقا، قارا.

ۇستىنە كاپيۋشونى جوق قويۋ قىزىل ءتۇستى قىسقا بالون كۇرتە، بۇتىنا اق جولاقتارى بار قويۋ كوك ءتۇستى تريكو، اياعىنا قارا كروسسوۆكا كيگەن.

جوعالعان بالا تۋرالى مالىمەت پوليسيا دەپارتامەنتىنىڭ جەكە قۇرامىنا تاراتىلعان. قاجەتتى جەدەل ىزدەۋ جانە تەكسەرۋ ءىس- شارالارى جۇرگىزىلىپ جاتىر.

«سونىمەن قاتار بالانى ىزدەۋ جۇمىسىنا ۆولونتەرلەر كومەكتەسۋدە. قازىرگى ۋاقىتتا بالا ءجۇرۋى مۇمكىن باعىتتاردىڭ بارىندەگى بەينەباقىلاۋ كامەرالارى تەكسەرىلۋدە. مۇنان بولەك، كامەلەتكە تولماعان ءجاسوسپىرىمنىڭ ءبىرىنشى رەت جوعالماعانى انىقتالدى. ناتيجەسىنە قاراي وتباسى جاسوسپىرىمدەر ءىسى جونىندەگى پوليسيا قىزمەتكەرلەرىنىڭ ەرەكشە باقىلاۋىنا الىنادى»، - دەپ ناقتىلاي تۇسەدى ۆەدومستۆودان.

جاسوسپىرىمگە قاتىستى قانداي دا ءبىر اقپارات بىلەتىن قالا تۇرعىندارى مىنا تەلەفون نومىرلەرىنە حابارلاسا الادى: 87172716557, 716558، 716027 نەمەسە 102.