اقمولا وبلىسىندا ەت ونىمدەرىنىڭ 12 پايىزى ساپاسىز ەكەنى انىقتالدى
وبلىستىق سانيتاريالىق - ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنشە، ءونىم قاۋىپسىزدىگىنىڭ مونيتورينگى ق ر سانيتاريالىق-ەپيدەميولوگيالىق باقىلاۋ كوميتەتىنىڭ 2022-جىلدىڭ 1- جارتىجىلدىعىنا ارنالعان جوسپار-كەستەسىنە سايكەس جۇرگىزىلگەن.
«ءونىم قاۋىپسىزدىگىنىڭ مونيتورينگى بويىنشا وڭىردە ەت ونىمدەرىنىڭ 186 ۇلگىسى ىرىكتەلىپ الىندى، ونىڭ ىشىندە 23 سىناما (12,4 پايىزى) ك و ت ر تالاپتارىنا سايكەس كەلمەگەن.
ونىڭ ىشىندە ميكروبيولوگيالىق كورسەتكىشتەر بويىنشا سايكەس كەلمەگەنى - 8 سىناما (%4,3)، ءونىمدى تاڭبالاۋ بويىنشا - 8 سىناما (%4,3) (ساقتاۋ شارتتارى، وندىرىلگەن كۇنى، جارامدىلىق مەرزىمى، مەملەكەتتىك ءتىل جانە ءونىم اينالىمىنىڭ ءبىرىڭعاي بەلگىسى تۋرالى اقپاراتتىڭ بولماۋى)، فيزيكالىق-حيميالىق كورسەتكىشتەر بويىنشا - 4 سىناما (%2,2)، وزگە كورسەتكىشتەر بويىنشا (تۇتىنۋشىنى الداۋ) - 3 سىناما (%1,6) بار»، - دەدى ۆەدومستۆودان.
وسى رەتتە، اقمولا وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ ماماندارى ەت تاعامدارىن دايىنداۋ كەزىندە ءبۇلىنۋ بەلگىلەرى بار ەتى (تايعاق بەتى، جاعىمسىز، ءتان ەمەس ءيىس) پايدالانباۋ، ەرىتىلگەن ەتتى ەكىنشى رەت قاتىرۋعا جول بەرمەۋ، ساقتاۋ شارتتارىنا ءمان بەرۋ (توڭازىتقىشتىڭ ءبىر سورەسىندە شيكى ەتتى جانە تۇتىنۋعا دايىن ونىمدەردى ساقتاماۋ)، ەتتى مۇقيات قايناتۋ جانە قۋىرۋ ءتارىزدى ءبىرقاتار ەرەجەلەردى ساقتاۋدى، سونداي-اق، تاماق دايىنداۋ پروتسەسىندە جەكە گيگيەنا ەرەجەلەرىنە نازار اۋدارۋدى ۇسىنادى.
ايتا كەتسەك، بۇدان بۇرىن اقمولا وبلىسىنداعى 50 بالاباقشادا سانيتارلىق تالاپتاردىڭ ساقتالماعانى انىقتالعان ەدى.
