18:46, 19 - شىلدە 2022 | GMT +5
شىمكەنتتە 12 جاسار قىز ەكى باۋىرىن ورتتەن قۇتقارىپ قالدى
شىمكەنت. قازاقپارات - شىمكەنت قالاسى توتەنشە جاعداي دەپارتامەنتى باسشىلىعى 2010 -جىلى تۋعان ساۆوروۆسكايا اننا يۋريەۆنانى ارنايى ماراپاتقا ۇسىندى، دەپ حابارلايدى قازاقپارات ءتىلشىسى.
وقيعا 15-شىلدە كۇنى كەشكىسىن بولعان. قاينار بۇلاق ساياجايى، زەلەنايا كوشەسى بويىندا ورنالاسقان جەكە تۇرعىن ۇيدە ءورت شىققانى تۋرالى حابارلاما «101» ديسپەتچەرلىك پۋنكتىنە ساعات 22.03 تۇسكەن. ءورت سوندىرۋشىلەر 10 مينۋت ىشىندە بەلگىلەنگەن مەكەنجايعا جەتكەن.
«ۇيدەگى 12 جاسار قىز ۇيىقتاپ جاتقان ەگىز ىنىلەرىن ءتۇتىن تولى ۇيدەن قاۋىپسىز ايماققا شىعارعان. جاس ءوسپىرىمنىڭ جاساعان ەرلىك ءىس- ارەكەتى شىمكەنت قالاسى توتەنشە جاعداي دەپارتامەنتى باسشىلىعى نازارىنان تىس قالمايدى»، - دەلىنگەن شىمكەنت قالاسى ت ج د قوعاممەن بايلانىس توبى تاراتقان حابارلامادا.
جالپى اۋا سالقىنداتقىشتاعى توكتىڭ قىسقا تۇيىقتالۋى سالدارىنان تۇرعىن ۇيدەگى تۇرمىستىق زاتتار جانعان. ماماندار جەتكەنشە جەرگىلىكتى تۇرعىندار ءورتتى ءسوندىرىپ، ءۇي يەلەرىنە كومەك كورسەتكەن.
