قاسىم حان تۋرالى فيلم كينوتەاترلاردا 12- مامىردان باستاپ كورسەتىلەدى

نۇر- سۇلتان. قازاقپارات - قاسىم حان تۋرالى تۋىندى 12- مامىردا جارىق كورەدى. بۇل تۋرالى «حابار 24» «قازاق فيلمنىڭ» ينستاگرام- پاراقشاسىنا سىلتەمە جاساپ حابارلايدى.

«ۇلى دالا تاڭى» - قاسىم سۇلتاننىڭ حان رەتىندە قالىپتاسۋى تۋرالى باياندايتىن كينوتۋىندى. قازاق حاندىعى تاريحىندا قاسىم حاننىڭ الار ءرولى وراسان زور ەكەنى ءمالىم.

ويتكەنى، ءوزى بيلىك ەتكەن ۋاقىتتا قازاقستان اۋماعىن باتىستا ەدىلگە دەيىن، شىعىستا ەرتىسكە دەيىن، وڭتۇستىكتە سىردارياعا دەيىن، سولتۇستىكتە توبىلعا دەيىن جەتكىزىپ عانا قويماي، «قاسىم حاننىڭ قاسقا جولى» اتتى زاڭ جيناعىن جاريالاعان. كوركەم فيلمدە بولاشاق حاننىڭ ادامگەرشىلىگى مەن اسكەري قابىلەتى، كوشباسشىلىعى ايقىن كورىنىس تاپقان. كوماندامىزدىڭ ەڭبەگى كورەرمەننىڭ زەيىن قويىپ، ىقىلاسپەن قوشەمەتتەيتىن تۋىندى بولارىنا ءۇمىت مول. جاقىندا، ەلىمىزدىڭ بارلىق كينوتەاترلارىندا كورسەتىلەدى» دەلىنگەن حابارلامادا.