00:33, 27 - تامىز 2021 | GMT +6
جامبىل وبلىسىنداعى جارىلىس: 12 اسكەري قىزمەتشى زارداپ شەكتى
تاراز. قازاقپارات - جامبىل وبلىسىنداعى اسكەري بولىمدەگى جارالىس سالدارىنان 12 اسكەري قىزمەتشى زاردارپ شەكتى.
بۇل تۋرالى ق ر قورعانىس مينيسترلىگىنەن ءمالىم ەتتى، دەپ حابارلايدى قازاقپارات ءتىلىشسى.
«جامبىل وبلىسىنداعى اسكەري ءبولىم قويماسىنان شىققان ءورتتى ءسوندىرۋ جالعاسىپ جاتىر. قويمادا ينجەنەرلىك وق-دارىلەر ساقتالعان. وق-ءدارىنىڭ بۇل ءتۇرى جارىلىس جاساۋعا ارنالعان جانە الىسقا ۇشاتىن سناريادتارى جوق. سوندىقتان جارىلىس سالدارىنان جارىقشاقتار مەن وق-ءدارى بولشەكتەرى ۇشقان جوق. جارىلىستار نەگىزىنەن تولقىن سيپاتىندا، قاتتى دىبىستار شىعىپ، جالىنى قاتتى بولادى»، - دەپ اتاپ وتەدى ۆەدومستۆودان.
مينيسترلىك مالىمەتىنشە، قازىرگى ۋاقىتتا مەديتسينالىق كومەككە جۇگىنگەن 12 اسكەري قىزمەتشى تۋرالى اقپارات بار. اتالعان اسكەري بولىمدە بورىشىن وتەپ جۇرگەن اسكەري قىزمەتشىلەر جامبىل وبلىسىنداعى اسكەري بولىمدەرگە ەۆاكۋاتسيالانىپ، ورنالاستىرىلعان.