اۋعانستاندى باسقارۋ ءۇشىن «تاليبان» 12 ادامنان تۇراتىن كەڭەس قۇرادى

بۇل تۋرالى دۇيسەنبى كۇنى قوزعالىس كوشباسشىلارىنا جاقىن دەرەككوزدەرگە سىلتەمە جاساپ Foreign Policy جۋرنالى جاريالادى، دەپ حابارلايدى قازاقپارات تاسس اگەنتتىگىنە سىلتەمە جاساپ.

مالىمەتتەرگە سايكەس، كەڭەستە ەڭ بەدەلدى ءۇش ادام - «تاليبان» ساياسي قاناتىنىڭ كوشباسشىسى ابدۋل عاني بارادار، «تاليبان» اسكەري كوميسسياسىنىڭ باسشىسى موۋلاۆي ياكۋب جانە «حاككاني جەلىسى» ديۆەرسيالىق توپتىڭ دالا كومانديرى جانە باسشىسى سيرادجۋددين حاككاني.

باسىلىمنىڭ اتاپ وتۋىنشە، تالىپتەر اۋعانستاندا پرەزيدەنت نەمەسە قانداي دا ءبىر كوشباسشى قىزمەتىن ورناتقىسى كەلمەيدى. بۇل رەتتە ولار ەلدىڭ بۇرىنعى ۇكىمەت مۇشەلەرىنە ءوز تاڭداۋى بويىنشا جاڭا كابينەتتە مينيسترلىك قىزمەت ۇسىنۋعا نيەتتى.

«تاليبان» حالىقارالىق قاۋىمداستىقتىڭ مويىنداۋ مۇمكىندىگىن ارتتىرۋ ءۇشىن وسىلايشا ينكليۋزيۆتى كورىنەتىن ۇكىمەت قۇرماق.

بارادار جانە ياكۋبقا جاقىن دەرەككوز مالىمەتىنشە، تالىپتەر باسقارۋشى ۇكىمەت قۇرامىندا تانىمال دالا كومانديرى احماد شاح ماسۋدتىڭ (1953-2001) بالاسى، «پاندجەر ارىستانى» لاقاپ اتىمەن تانىمال، كەزىندە سولتۇستىك اليانس كوشباسشىسى بولعان احماد ماسۋدتى دا كورگىسى كەلەدى. الايدا، باسىلىمنىڭ اتاپ وتۋىنشە، بۇل ەكىتالاي، سەبەبى ماسۋد قازىرگى كەزدە پاندجەر پروۆينتسياسىندا جۇرگەن تالىپتەرگە قارسىلىق كورسەتۋ كۇشتەرىن باسقاردى.

اۆتور: زارينا تۋعانبايەۆا