اتىراۋ وبلىسىندا نيدەرلاندىنىڭ 12 كومپانياسى جۇمىس ىستەيدى
بۇل تۋرالى اتىراۋ وبلىسىنىڭ اكىمى ماحامبەت دوسمۇحامبەتوۆپەن كەزدەسكەن نيدەرلاندى كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى اندرە كارستەنس ءمالىم ەتتى.
تاراپتار كەزدەسۋدە ءتۇرلى سالاداعى ەكىجاقتى ىنتىماقتاستىق پەن ينۆەستيتسيا تارتۋ ماسەلەسىن تالقىلادى. وبلىس اكىمى ماحامبەت دوسمۇحامبەتوۆتىڭ ايتۋىنشا، اتىراۋ وبلىسىمەن سىرتقى ەكونوميكالىق بايلانىس ورناتقان ەلدەردىڭ قاتارىندا نيدەرلاندى كورولدىگى دە بار.
«بيىلعى قاڭتار- مامىر ايلارىندا اتىراۋ وبلىسىنىڭ نيدەرلاندى ەلىمەن ساۋدا اينالىمى 1,28 ميلليارد ا ق ش دوللارىن قۇرادى. اتالعان ەلدىڭ 12 كومپانياسى وڭىردە مۇناي- گاز ءوندىرۋدى تەحنيكالىق قولداۋ، ينجەنەرلىك قۇرىلعىلار قۇرىلىسى، قۇبىر ارقىلى تاسىمالداۋ، جۇك تاسىمالى سەكىلدى سالالاردا بەلسەندى قىزمەت ەتۋدە. ءوڭىر ەكونوميكاسىنا نيدەرلاندىلىق ينۆەستيتسيانى تارتۋعا، بىرلەسكەن كاسىپورىندار قۇرۋعا مۇمكىندىك مول. اسىرەسە، نيدەرلاندىمەن ونەركاسىپ، مۇناي حيمياسى، اۋىل شارۋاشىلىعى سالالارىندا ەكىجاقتى قارىم- قاتىناستى قارقىندى دامىتۋعا بولادى» - دەدى ماحامبەت دوسمۇحامبەتوۆ.
نيدەرلاندى كورولدىگىنىڭ توتەنشە جانە وكىلەتتى ەلشى اندرە كارستەنس اتىراۋ قالاسىندا قۇرمەتتى كونسۋلدىق اشۋ ماسەلەسىن كوتەردى. بۇل ۇسىنىس وبلىس اكىمى ماحامبەت دوسمۇحامبەتوۆتىڭ تاراپىنان قولداۋ تاپتى.
ەسكە سالا كەتەلىك، بۇدان بۇرىن اتىراۋدا تۇركيالىق ينۆەستور كۇكىرت بەتونيتىن ءوندىرۋى مۇمكىن ەكەنىن حابارلاعان ەدىك.
اۆتور: بەك مۇستافا
