فرانسيا 12 جاستان اسقان بالالارعا ۆاكسينا سالا باستايدى
بريۋسسەل. قازاقپارات - فرانسۋز ۇكىمەتى 15- ماۋسىمنان باستاپ 12 دەن 18 جاسقا دەيىنگى بالالار كوروناۆيرۋسقا قارسى ۆاكسينا الا الاتىنىن جاريا ەتتى، دەپ حابارلايدى قازاقپارات مەنشىكتى ءتىلشىسى.
فرانسيا پرەزيدەنتى ەممانۋەل ماكرون جاس وسپىرىمدەردى ۆاكسينالاۋ تۋرالى شەشىم قابىلدانعانىن سارسەنبى كۇنى تاڭەرتەڭ بولعان قورعانىس كەڭەسىنىڭ وتىرىسى كەزىندە اتاپ ءوتتى.
«15- ماۋسىمعا قاراي ءبىز 30 ميلليون ادامعا ەكپە ەگەمىز. سوندىقتان دا بۇگىن تاڭەرتەڭ 15- ماۋسىمنان باستاپ جاس وسپىرىمدەردى ۆاكسينالاۋ تۋرالى شەشىم قابىلدادىق»، - دەدى ە. ماكرون.
ول ەرەسەك فرانسۋزداردىڭ %50 ۆاكسينانىڭ العاشقى دوزاسىن العانىن ايتتى. ءبىراق ەلدىڭ كەيبىر بولىگىندە ۆيرۋستىڭ بۇرىنعىشا تارالىپ جاتقانىن ايتا كەلىپ، فرانسۋزداردى ساق بولۋعا شاقىردى.
جالپى العاندا، فرانسيادا ۆاكسيناتسيا كامپانياسى باستالعاننان بەرى 26,1 ميلليون ادام ۆاكسينانىڭ كەم دەگەندە ءبىر ينفەكسياسىن الدى (حالىقتىڭ جالپى سانىنىڭ %39,1)، ونىڭ ىشىندە 11,2 ميلليون ادام ەكىنشى دوزاسىن الدى (حالىقتىڭ جالپى سانىنىڭ %16,7).
گەرمانيا بۇعان دەيىن pfizer/Biontech ۆاكسيناسى وسى جاس توبى بويىنشا ەۋروپالىق ءدارى-دارمەكتەر اگەنتتىگىنىڭ (EMA) ماقۇلداۋىن العان جاعدايدا، 7- ماۋسىمنان باستاپ 12 جاستان اسقان بالالار مەن ەرەسەكتەرگە ۆاكسينا ەگەتىنىن مالىمدەگەن.
وتكەن اپتادا ەۋروپالىق ءدارى-دارمەك اگەنتتىگى 12 جاستان 15 جاسقا دەيىنگى بالالارعا ۆاكسينانىڭ قاۋىپسىز ەكەنىن ءمالىم ەتتى.
وسىلايشا، Pfizer وسى جاس ساناتىنا ماقۇلدانعان العاشقى ۆاكسينا بولىپ وتىر. دۇيسەنبى كۇنى ەۋروپالىق كوميسسيا دا كوروناۆيرۋسقا قارسى Pfizer ۆاكسيناسىن 12 جانە ودان ۇلكەن جاستاعى بالالارعا پايدالانۋعا كەلىسىمىن بەردى.
بەلگيا دەنساۋلىق ساقتاۋ جوعارعى كەڭەسى 16-17 جاستاعى جاستارعا 20- مامىردان باستاپ كوروناۆيرۋسقا قارسى ۆاكسينا سالدىرۋعا كەڭەس بەردى. بۇل جاس ساناتىندا قاۋىپ-قاتەر توبىنداعى ناۋقاستار اۋىرلاتاتىن جاعدايلارى بار ەرەسەك ناۋقاستار سياقتى تەزىرەك ەكپە الادى.
