15:46, 23 - مامىر 2021 | GMT +5
يتاليادا اسپالى جولدىڭ ارقانى ءۇزىلىپ كەتىپ، 12 ادام قازا تاپتى
ريم. قازاقپارات - يتاليانىڭ سولتۇستىگىندە (پەمونت ايماعى) اسپالى جولدىڭ ارقانى ءۇزىلىپ كەتىپ، ۆاگونشا جەرگە قۇلاعان. سالدارىنان 12 ادام قازا تاپتى، ەكى بالا اۋىر جاراقات العان.
بۇل تۋرالى بۇگىن، جەكسەنبىدە ANSA اگەنتتىگى وقيعا ورنىندا جۇمىس ىستەپ جاتقان قۇتقارۋشىلارعا سىلتەمە جاساپ حابارلادى.
مۇنىڭ ا لدىندا ءتورت، سودان كەيىن سەگىز ادامنىڭ كوز جۇمعانى حابارلانعان بولاتىن. ال يل مەسساگگەرو گازەتىنىڭ جازۋىنشا، كەم دەگەندە 11 ادامنان تۇراتىن ءبىر كابينا ارقاننىڭ ءۇزىلۋى سالدارىنان قۇلاعان. اۋىر حالدەگى بالالار تۋريندەگى اۋرۋحاناعا جەتكىزىلدى. وقىس وقيعا تاڭەرتەڭ ماجورە كولىن 1,5 مىڭ مەتر بيىكتىكپەن جالعايتىن مارشرۋتتا بولدى، قازىرگى ۋاقىتتا كەلەڭسىز جاعدايدىڭ سەبەپ- سالدارى انىقتالۋدا.
«پاندەمياعا بايلانىستى قىسقى ماۋسىمدا جابىق بولعان تاۋلى كۋرورتتاعى بۇل كوتەرگىشتەر وسى جەكسەنبىدە عانا ىسكە قوسىلعان ەدى»، - دەپ جازادى باسىلىم.
