13:40, 15 - مامىر 2021 | GMT +5
ۇلى بريتانيادا ەكپە 12 مىڭ ادامدى ولىمنەن امان الىپ قالدى
نۇر- سۇلتان. قازاقپارات – ۇلى بريتانيادا جاپپاي ۆاكسينالاۋ ءوز ناتيجەسىن بەرىپ جاتىر. جەرگىلىكتى ماماندار ەكپە شامامەن 12 مىڭ ادام ءولىمىنىڭ الدىن الۋعا كومەكتەسكەنىن حابارلايدى.
بۇل وقيعالاردىڭ بارلىعى جاسى 60-تان اسقان بريتاندىقتارعا قاتىستى. قوعامدىق دەنساۋلىق ساقتاۋ قىزمەتىنىڭ وكىلدەرى ۆاكسينانىڭ باسقا دا پايداسى تيگەنىن ايتادى.
ماسەلەن، پرەپاراتتى قابىلداعاننان كەيىن كوروناۆيرۋس جۇقتىرعان ازاماتتاردا اۋرۋ جەڭىل فورمادا وتكەن. مۇنداي وقيعالاردىڭ سانى 33 مىڭعا جۋىقتايدى. بۇل تۇرعىنداردىڭ ەشقايسىسىن اۋرۋحاناعا جاتقىزۋ قاجەتى تۋىنداماعان.
ايتا كەتكەن ءجون، ۇلى بريتانيادا كوروناۆيرۋسقا قارسى جاپپاي ۆاكسينالاۋ بىلتىر جەلتوقساندا باستالعان. قازىرگى تاڭدا حالىقتىڭ جارتىسىنان استامى ەكپە قابىلداپ قويعان.
www.24.kz
