15:09, 05 - ءساۋىر 2021 | GMT +5
قىتايدا 12 مىڭ مەملەكەتتىك قىزمەتشى ەسىرتكىنى انىقتاۋ بويىنشا تەستەن ءوتىپ جاتىر
بەيجىڭ. قازاقپارات - ورتالىق قىتايدىڭ حۋنان پروۆينتسياسىنداعى يۋنشۋن ۋەزىندە جۇمىس ىستەيتىن 12 مىڭ مەملەكەتتىك قىزمەتشىدە ەسىرتكى زاتتارىنىڭ بار-جوعى تەكسەرىلۋدە، دەپ حابارلايدى قازاقپارات ءتىلشىسى.
وسى ۋەزدىڭ شەنەۋنىكتەرىن ەسىرتكىگە تەستىلەۋ ناۋرىز ايىندا باستالدى، ءساۋىردىڭ سوڭىنا قاراي اياقتالادى. ەسىرتكى زاتتارىنىڭ بار-جوعىن انىقتايتىن تالداما جاساۋ ءۇشىن شاش سىنامالارى الىندى، ونىڭ ۇلگىلەرى بولەك كونۆەرتكە سالىنادى.
ايتا كەتۋ كەرەك، جەرگىلىكتى ەسىرتكىگە قارسى ناۋقان اياسىندا التى مەملەكەتتىك قىزمەتشىنىڭ شاش سىنامالارىنان ەسىرتكى زاتتارىنىڭ ىزدەرى تابىلدى. قىتايلىق ب ا ق-تىڭ حابارلاۋىنشا، اتالعان شەنەۋنىكتەر قىزمەتىنەن بوساتىلدى.
اۆتور: اياۋلىم التىنبەك
