قازاقپارات كۇنتىزبەسى: 12- ناۋرىز
اتاۋلى كۇندەر
بۇكىل الەمدىك كيبەرتسەنزۋراعا قارسىلىق كۇنى
العاش رەت 2008-جىلى اتاپ وتىلگەن. «شەكاراسىز تىلشىلەر» جانە «حالىقارالىق راقىمشىلىق» ۇكىمەتتىك ەمەس ۇيىمدارىنىڭ باستاماسىمەن بەكىتىلگەن.
دۇنيەجۇزىلىك ۇيقى كۇنى
2008-جىلدان باستاپ جىل سايىن اتاپ وتىلەدى. العاش رەت ول 2008-جىلى 14- ناۋرىزدا اتاپ ءوتىلدى، كەيىننەن ناۋرىزدىڭ ەكىنشى اپتاسىنىڭ جۇما كۇنىنە اۋىستىرىلعان. بۇعان باستاماشىلىق ەتكەن حالىقارالىق ۇيقى مەديتسيناسى قاۋىمداستىعىنداعى حالىقارالىق ۇيقى كۇنى كوميتەتى بولدى.
ول دۇنيەجۇزىلىك ساقتاۋ ۇيىمىنىڭ ۇيقى جانە دەنساۋلىق پروبلەمالارى بويىنشا جوباسىنىڭ اياسىندا اتاپ وتىلەدى.
كۇن-جەر كۇنى
كۇن-جەر كۇنى دەگەن مەرەكە بار ەكەنىن ءدۇيىم جۇرت بىلە بەرمەيدى. ول 2000-جىلدان باستاپ اتاپ وتىلەدى. بۇل مەرەكەنى ا ق ش- تىڭ ۇلتتىق اۋەدە ۇشۋ جانە عارىش كەڭىستىگىن زەرتتەۋ باسقارماسى (NASA) مەن ەۋروپا عارىش اگەنتتىگى (ESA) بەكىتتى.
ول ادامدارعا عارىشتا بولىپ جاتقان وقيعالار جايلى كوبىرەك اقپارات بەرۋ ماقساتىندا كۇنتىزبەگە ەنگىزىلگەن.
ەستە قالار وقيعالار
1993 -جىلى تاۋەلسىز قازاقستاننىڭ تاريحىندا العاش رەت الماتى- شاردجا (ب ا ءا) باعىتىندا اۆيارەيس ۇشىرىلدى. بورتتا 90 ادام بولدى، ءتورت جارىم ساعاتتان كەيىن ۇشاق شاردجاعا كەلىپ قوندى.
1999 -جىلى كايردە (ەگيپەت) قازاقستان ەلشىلىگى ورنالاسقان كوشەسىنە اباي ەسىمى بەرىلدى.
2002 -جىل قازاقستان جۋرناليستەرىنىڭ 1- كونگرەسى ءوتتى. ۇيىمداستىرۋشىلار - قازاقستان جۋرناليستەر وداعى مەن تەلەراديوتاراتۋ قاۋىمداستىعى.
2010 -جىلى بۋداپەشتتە وتكەن مينيسترلەر فورۋمى ءماجىلىسى بارىسىندا قازاقستان بولون پروتسەسىنە قوسىلدى. قازاقستاننىڭ قوسىلۋى تۋرالى شەشىمدى بولون دەكلاراتسياسىنا قول قويعان 46 ەلدىڭ وكىلدەرى ءبىراۋىزدان قولدادى.
بولون ۇدەرىسىنە قوسىلۋ قازاقستاندىق جوعارى وقۋ ورىندارىنا وتاندىق ءبىلىم بەرۋ باعدارلامالارىن ەۋروپالىق ستاندارتتارعا سايكەستەندىرۋ، قازاقستاندىق بىلىكتىلىكتەر مەن اكادەميالىق ساتىلاردى تانۋ، ستۋدەنتتەر مەن وقىتۋشىلاردىڭ اكادەميالىق يكەمدىلىگىن قامتاماسىز ەتۋ، قازاقستاندىق ديپلومداردىڭ ەۋروپادا تانىلۋى جانە تۇلەكتەردىڭ شەتەلدە جۇمىسقا تۇرۋ مۇمكىندىكتەرىن كەڭەيتۋ سياقتى ءبىرقاتار باسىمدىقتار بەرەدى.
2010 -جىلى درەزدەن قالاسىندا قازاقستان رەسپۋبليكاسىنىڭ قۇرمەتتى كونسۋلدىعىنىڭ اشىلۋ ءراسىمى ءوتتى. كونسۋلدىقتىڭ قىزمەتى گەرمانيانىڭ ساكسونيا جانە ساكسونيا-انحالت فەدەرالدىق جەرلەرىنە تارالاتىن بولادى.
2013 -جىلى تۇركيانىڭ انكارا قالاسىندا مۇقان تولەبايەۆ جىلىنىڭ سالتاناتتى اشىلۋى ءوتتى.
2013 -جىلدى مۇقان تولەبايەۆ جىلى دەپ جاريالاۋ تۋرالى شەشىم ۋفادا وتكەن تۇركىسوي مادەنيەت مينيسترلەرىنىڭ تۇراقتى كەڭەسىندە قابىلداندى.
2016 -جىلى قازاقستاندا العاش رەت ەلىمىزدەگى بىرەگەي جانە جالعىز ISAC جابدىعىنىڭ كومەگىمەن اللەرگودياگنوستيكانىڭ يننوۆاتسيالىق جانە ناقتى ادىستەرىنىڭ ءبىرىن ەنگىزۋ مۇمكىن بولدى. مۇنداي اپپارات الماتى قالاسىنداعى «33№ قالالىق كلينيكالىق اۋرۋحانا» ش ج ق م ق ك «اللەرگولوگيا ورتالىعى» ج ش س- دا ورناتىلعان.
2017 -جىلى بۇكىل الەمدىك بوكس كەڭەسىنىڭ (WBC) بەلبەۋىندە گەننادي گولوۆكين مەن قازاقستان تۋى بەينەلەندى. بەلبەۋدە بوكس تاريحىنا ەسىمدەرىن التىن ارىپپەن جازىپ قالدىرعان ۇلى چەمپيوندار: مۇحاممەد ءالي، مايك تايسون، لەننوكس ليۋيس، رەي لەونارد، روبەرتو ديۋران، حۋليو سەزار چاۆەس، لارري حولمس، ۆيتالي كليچكو، مارۆين حاگلەر، توممي حەرنس، وسكار دە لا حويا مەن فلويد مەيۆەزەر بار.
2017 -جىلى قازاقستاندىق دزيۋدوشى يسلام بوزبايەۆ باكۋدەگى ۇلكەن دۋلىعا تۋرنيرىندە التىن ەنشىلەدى. ول 90 كەلىگە دەيىنگى سالماق دارەجەسىندە ونەر كورسەتكەن بولاتىن.
2019 -جىلى قازاقستاندىق ج و و تاريحىندا العاش رەت IT حالىقارالىق ۋنيۆەرسيتەتى ASIIN حالىقارالىق اككرەديتاتسياسىن الدى.