تەمەكىنى تاستاۋعا يتەرمەلەيتىن 12 دەرەك

♦ جىل سايىن دۇنيەجۇزىندە 5,5 تريلليون تەمەكى وندىرىلەدى.

♦ بۇگىندە الەمدە شامامەن 1,2 ميلليارد تەمەكى شەگۋشى بار جانە ولاردىڭ سانى جاستار مەن ايەلدەر ەسەبىنەن ۇدايى ءوسىپ كەلەدى؛

♦ قازىر 10 ەر ازاماتتىڭ ۇشەۋى عانا تەمەكى تارتسا (%31) ، 20 ايەلدىڭ بىرەۋى عانا «كوك تۇتىنگە» (%6) تاۋەلدى. ال 1980 -جىلى 10 ەر ادامنىڭ تورتەۋى (%41) جانە 10 ايەلدىڭ بىرەۋى (%10) تەمەكى تارتقان؛

♦ شىلىم شەگۋشىلەردىڭ وننان ءبىرى قاتەرلى ىسىكتەن كوز جۇمادى؛

♦ ونكولوگيالىق اۋرۋلارمەن اۋىراتىنداردىڭ كوپشىلىگى - تەمەكى شەگەتىندەر؛

♦ تەمەكى شەگۋ باسقا اۋرۋلاردىڭ زيانىن ەسەلەپ ارتتىرادى؛

♦ «تەمەكى شەگۋ قارتايعان كەزدە اقىل- ويدىڭ اۋىسۋىن بولدىرماۋعا كومەكتەسەدى» دەگەن تۇجىرىم ءالى دالەلدەنبەدى، سەبەبى مەديتسينادا تەمەكىنىڭ وڭ اسپەكتىلەرى راستالماعان؛

♦ تەمەكىنى تاستاۋ كوپشىلىك ويلاعانداي قيىن ەمەس. بۇل ادەتتەن باس تارتقانداردىڭ الپىس پايىزى كەيىنىرەك ونى تاستاۋ ءوزى ويلاعاننان الدەقايدا جەڭىل بولعانىن ايتقان؛

♦ «ءبىر گرامم نيكوتين جىلقىنى ولتىرەدى» دەگەن ءسوز بار. ال 5 تال تەمەكىدەگى نيكوتين ادامدى ولتىرۋگە قابىلەتتى. ءبىراق ادام اعزاسى ونى سىڭىرمەيدى، ايتپەسە شىلىم شەگۋشى العاشقى 5 تال تەمەكىدەن كەيىن ومىرىمەن قوش ايتىساتىن ەدى؛

♦ تەمەكى تۇتىنىندە مىشياك، فورمالدەگيد، قورعاسىن، ازوت وكسيدى جانە اممياك سياقتى قىرىقتان استام كانتسەروگەندەر بار. بۇدان بولەك، تەمەكى شەگەتىن ادامنىڭ دەنەسىنە ءسىڭىپ كەتەتىن ءيىس ايناداعىلارعا جاعىمسىز بولۋى مۇمكىن؛

♦ ا ق ش- تاعى ايگىلى تەمەكى جارناماسىندا كوۆبوي كوستيۋمىن كيگەن ەكى اكتەر وكپە راگىنان قايتىس بولعان؛

♦ تەمەكى شەگۋ - دەنساۋلىقتان بۇرىن، قورشاعان ورتامىزعا زيان ەكەن. سەبەبى ونىڭ قالدىقتارى جىلدار بويى شىرىمەي جاتا بەرەدى. قالدىقتار مۇحيتقا اعىپ بارعان سوڭ، ونى تەڭىز جانۋارلارى مەن قۇستار تاماق دەپ ويلاپ قالادى. تەڭىز ەكولوگياسىن زەرتتەۋشىلەردىڭ پىكىرىنشە، وسىنىڭ سالدارىنان كوپتەگەن جان- جانۋار ۋلانادى.

massaget.kz