تۇركىستان وبلىسى قۇرىلعالى بەرى ەگىس كولەمى 12 مىڭ گەكتارعا ارتتى
بۇل تۋرالى وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ مالىمدەدى، دەپ حابارلايدى قازاقپارات ءتىلشىسى.
نۇربەك بادىراقوۆتىڭ ايتۋىنشا، ەلىمىزدەگى اۋىل شارۋاشىلىعىنىڭ جالپى ءونىمى كولەمىنىڭ %12- ى وبلىسقا تيەسىلى. مۇندا اعىمداعى جىلى اۋىل شارۋاشىلىعى داقىلدارى 825,4 مىڭ گەكتارعا ەگىلگەن.
«2020-جىلدىڭ 5 ايىنىڭ قورىتىندىسى بويىنشا وڭىردەگى اۋىل شارۋاشىلىعىنىڭ جالپى ءونىمى 140 ميلليارد تەڭگەنى قۇراپ، رەسپۋبليكاداعى ۇلەسى %15 بەن ەكىنشى ورىندى يەمدەندىك. جىل سوڭىنا دەيىن اۋىل شارۋاشىلىعى ءونىمى وتكەن جىلدان 77 ميلليارد تەڭگەگە ارتىپ، 706 ميلليارد تەڭگە كولەمىندە بولادى دەپ مەجەلەنگەن. بۇگىنگى كۇنگە ءونىم جيناۋ ناۋقانى باستالىپ، 2,2 مىڭ توننا باقشا، 245,4 مىڭ توننا كوكونىس، 22,3 مىڭ توننا كارتوپ جينالدى. ودان بولەك 727,2 مىڭ توننا مال ازىعى دايىندالدى»، - دەدى نۇربەك باقتىباي ۇلى.
سونداي-اق، اعىمداعى جىلى وبلىس بويىنشا ماساقتى داقىلداردان 477,4 مىڭ توننا، داندىك جۇگەرىدەن 202,8 مىڭ توننا، ماقسارىدان 74,4 مىڭ توننا، ماقتادان 334,8 مىڭ توننا، كوكونىس، باقشا، كارتوپتان 2 ميلليون 760 مىڭ توننا ءونىم الۋ جوسپارلانعان.
«ال، تامشىلاتىپ سۋعارۋ ءادىسى قوسىمشا 1,7 مىڭ گەكتارعا ۇلعايىپ، جالپى كولەمى 19,3 مىڭ گەكتارعا جەتكەن. جىلىجايلار 55,02 گەكتارعا سالىنىپ، جالپى كولەمى 1 168 گەكتاردى قۇراعان. بۇگىنگى كۇنگە، جىلىجايلاردا جالپى 88,2 مىڭ توننا ءونىم وندىرىلگەن. شارۋالارعا كوكتەمگى دالا جۇمىستارىن جۇرگىزۋگە 21 مىڭ توننا جانارماي بەرىلگەن. مەملەكەت باسشىسىنىڭ تاپسىرماسىنا سايكەس، ءساۋىر ايىنان باستاپ جانارماي باعاسى ليترىنە 160 تەڭگەگە بەكىتىلىپ، نارىقتىق باعادان 25 تەڭگەگە ارزان بولدى»، - دەدى باسقارما باسشىسى.
