ۆيدەوكامەراعا ەڭبەكتەپ جەتكەن: ەلوردادا ايىرباستاۋ پۋنكتىنەن 12 ميلليون ۇرلاندى
نۇر- سۇلتان. قازاقپارات - ەلوردادا 37 جاستاعى ازامات الدىن الا دايىندالعان سەناري بويىنشا ۆاليۋتا ايىرباستاۋ پۋنكتىنەن 12 ميلليون تەڭگە ۇرلادى، دەپ حابارلايدى قازاقپارات ءتىلشىسى.
«نۇر- سۇلتان قالالىق پوليسيا دەپارتامەنتىنىڭ كريمينالدىق پوليسيا قىزمەتكەرلەرى ۆاليۋتا ايىرباستاۋ پۋنكتىنە ۇرلىققا تۇسكەن ەلوردانىڭ بۇعان دەيىن سوتتى بولعان 37 جاستاعى تۇرعىنىن ءىزىن سۋىتپاي ۇستادى» ، - دەلىنگەن دەپارتامەنت اقپاراتىندا.
پوليسيەيلەردىڭ مالىمەتىنە قاراعاندا، ول ۇرلىققا تىڭعىلىقتى دايىندىقپەن بارعان. دىتتەگەن ويىن جۇزەگە اسىرۋ ءۇشىن ءوز كولىگىنىڭ مەملەكەتتىك تىركەۋ ءنومىرىن بۇعان دەيىن ۇرلاپ العان باسقا نومىرمەن اۋىستىرعان. سودان كەيىن بەت- ءجۇزىن تۇمشالاپ، دۇكەن مەن ايىرباستاۋ پۋنكتى ورنالاسقان عيماراتقا كوشە جاق بەتىندەگى ەسىگىنىڭ قۇلپىن بۇزۋ ارقىلى كىرگەن. قوزعالىس داتچيكتەرىن ىستەن شىعارۋ ءۇشىن ولار ورنالاسقان جەرگە دەيىن ەڭبەكتەپ جەتكەن. بەينەباقىلاۋ كامەراسىنىڭ وبەكتيۆىن جاۋىپ قويعاننان كەيىن ول ايىرباستاۋ پۋنكتىنە ەش كەدەرگىسىز كىرگەن.
«سەيفتى بۇزىپ، ىشىنەن جالپى سوماسى 12 ميلليون تەڭگە بولاتىن ءارتۇرلى ۆاليۋتالاردى ۇرلاپ كەتكەن. دەگەنمەن، ساقتىقتىڭ بارلىق شارالارىن قولدانعانىمەن، ويى جۇزەگە اسپادى. ءىز كەسۋشىلەردىڭ تىنىمسىز جۇمىستارىنىڭ ناتيجەسىندە قاسكوي ءىزى سۋىماي قولعا ءتۇستى. ول ۇرلانعان قاراجاتتىڭ جارتىسىن جۇمساپ ۇلگەرگەن ەكەن. ۇستالعان ازامات تۇتقىندالىپ، نۇر- سۇلتان قالالىق پ د ۋاقىتشا وقشاۋلاعىشىنا قامالدى. ق ر ق ك 188-بابى بويىنشا سوتقا دەيىنگى تەرگەۋ جۇرگىزىلىپ جاتىر. ەلوردا اۋماعىندا جاسالعان ءدال وسىنداي قىلمىستارعا قاتىسى تەكسەرىلۋدە» ، - دەپ اتاپ وتەدى ۆەدومستۆودان.
