الماتىدا كوروناۆيرۋس جۇقتىرعان 12 جاسار قىزدىڭ جاعدايى قالاي؟

قالالىق قوعامدىق دەنساۋلىقتى ساقتاۋ باسقارماسىنىڭ حابارلاۋىنشا، قازىر قالادا 7 ادامدا كوروناۆيرۋس جۇقپاسى بار ەكەنى زەرتحانالىق جولمەن راستالعان.

«6 پاتسيەنت ەرەسەكتەرگە ارنالعان جۇقپالى اۋرۋلار اۋرۋحاناسىندا وقشاۋلانعان. الماتىعا گەرمانيادان كەلگەن 2008-جىلى تۋعان قىز بورتتان ءتۇسىرىلىپ، بالالار جۇقپالى اۋرۋحاناسىندا بولەك بوكسقا جاتقىزىلدى. قازىر ونىڭ جاعدايى ءبىرقالىپتى. بورتتا ەكيپاجدى قوسقاندا 12 ادام بولعان. ولاردىڭ بارلىعى وقشاۋلانىپ ارنايى تالداۋ الىندى. 7 پاتسيەنتتىڭ بارلىعى د د س ۇيىمىنىڭ پروتوكولى بويىنشا ەم قابىلداپ جاتىر. ناۋقاستارمەن بايلانىستا بولعان ازاماتتاردىڭ بارلىعى پروۆيزورلىق ستاتسيونارلارعا 14 كۇندىك كارانتينگە جاتقىزىلدى»، - دەدى باسقارمادان.

جالپى بۇگىنگى كۇنى الماتى قالاسىندا 676 ادام كارانتيندە جاتىر.

الماتى قالاسىنىڭ اكىمدىگى بارلىق ازاماتتاردى، اسىرەسە، ءۇي كارانتينىندەگىلەردى وسى جاعدايدا ءوزىنىڭ جانە باسقالاردىڭ دەنساۋلىعى ءۇشىن بارىنشا جاۋاپكەرشىلىكپەن قاراپ، سانيتارلىق- گيگيەنالىق ەرەجەلەردى ۇستانۋعا، اۋرۋ بەلگىلەرى بايقالعان جاعدايدا ءوزىن-ءوزى وقشاۋلاۋعا شاقىرادى. ءۇي كارانتينىندە جاتقاندار وقشاۋلانۋ مەرزىمىنە شىداۋى كەرەك.

كوروناۆيرۋس ينفەكتسياسى تارالماس ءۇشىن تومەندەگى ەرەجەلەردى ۇستانۋ قاجەت:

- قولدى ءجيى جۋۋ جانە انتيسەپتيك قۇرالداردى پايدالانۋ. قولدى سابىندى پايدالانىپ ءاربىر جارتى ساعات سايىن 20 سەكۋند بويى جۋۋ قاجەت. ەگەر جاقىن جەردە قول جۋاتىن شۇڭعىلشا، سابىن بولماسا، ميكروبتاردى ولتىرۋگە ادەتتەگى انتيسەپتيك كومەكتەسەدى. ءدارىحانادان ساتىپ الىنعان كادىمگى سپيرت تە بولادى. ەگەر وعان اللەرگيا بولسا، سانيتايزەردى پايدالانىڭىز.

- بولمەنى ءجيى جەلدەتىڭىز.

- قوعامدىق ورىندارعا شىعۋدى شەكتەۋ قاجەت.

- جرۆي مەن تۇماۋعا، دەنەدەگى السىزدىك، قۇرعاق جوتەلگە كۇدىكتى كەزدە ەمحانادان دارىگەر شاقىرتۋ نەمەسە جاردەم شاقىرتۋ جانە ماسكا تاعۋ قاجەت.

- قول الىسۋدى جانە باسقا دا جاقىن قارىم-قاتىناستى بولدىرماۋ.

- يممۋنيتەتتى نىعايتۋ.

انىقتاما ءۇشىن تاۋلىك بويى 1406 ءنومىرى بويىنشا Call-ورتالىق جۇمىس ىستەيدى.

رەسمي اقپارات الماتى قالاسى اكىمدىگىنىڭ سايتىندا جانە الەۋمەتتىك جەلىلەرىنىڭ رەسمي پاراقشالارىندا قولجەتىمدى. قوسىمشا اقپارات Stopcov ALMATY Telegram پاراقشاسىندا جاريالانىپ وتىرادى.