بوزىمبايەۆ قازاقستان مۇناي ەكسپورتى قاشان 12 ميلليون تونناعا جەتەتىنىن ايتتى

 بۇل تۋرالى بۇگىن ەلوردادا ءوتىپ جاتقان XII Kazenergy ەۋرازيالىق فورۋمى اياسىندا ۇيىمداستىرىلعان باسپا ءسوز ءماسليحاتىندا ق ر ەنەرگەتيكا ءمينيسترى قانات بوزىمبايەۆ ايتتى، دەپ حابارلايدى قازاقپارات ءتىلشىسى.

«جالپى ايتقاندا، ەكسپورت كولەمى الداعى 2-3 جىلدىڭ ىشىندە تۇراقتى بولادى. 2023 -جىلدان باستاپ ەكسپورت كولەمى جىلىنا 10-12 ميلليون تونناعا وسەدى. بۇل ەڭ باستىسى تەڭىز مۇناي كەن ورنىمەن بايلانىستى. قازىر وسى كەن ورنىندا ۇلكەن ينۆەستيتسيالىق جوبا جالعاسىپ جاتىر. 38 ميلليارد ا ق ش دوللارىنداي ينۆەستيتسيا سالىنىپ، يگەرىلۋدە»، - دەدى ول.

ءمينيستردىڭ اتاپ وتۋىنشە، تەڭىز كەن ورنىنداعى ينۆەستيتسيالىق جوبالاردىڭ ارقاسىندا 2023 -جىلعا قاراي مۇناي ەكسپورتى جىلىنا 12 ميلليون تونناعا وسەدى سەبەبى اتالاعان كەن ورنىنان وندىرىلگەن مۇنايدىڭ باسىم بولىگى ەكسپورتقا شىعارىلادى.

«مۇنان بولەك كەلەسى مۇمكىندىك قاشاعانعا بايلانىستى بولادى. بۇل كەن ورنىنىڭ مۇمكىنشىلىگى دە بىرتىندەپ وسەدى»، - دەدى قانات بوزىمبايەۆ.