عيمارات وپىرىلا قۇلاپ، 12 ادامدى باسىپ قالدى
نۇر-سۇلتان. قازاقپارات - مالي استاناسى باماكودا جەكسەنبى كۇنى ءۇش قاباتتى عيمارات وپىرىلا قۇلاپ، كەم دەگەندە 12 ادام قازا تاپتى، دەپ حابارلايدى France Presse ەلدىڭ قاۋىپسىزدىك جانە حالىقتى قورعاۋ مينيسترلىگىنە سىلتەمە جاساپ.
26 ادامدى قيراندىلار استىنان تىرىدەي الىپ شىققان. وقىس وقيعانىڭ قالاي بولعانى ازىرگە بەلگىسىز.
جەرگىلىكتى ب ا ق دەرەكتەرىنە قاراعاندا، ءالى سالىنىپ بىتپەگەن جوعارى قابات قيراپ، سالدارىنان بۇكىل عيمارات وپىرىلا قۇلاعان.
قاۋىپسىزدىك جانە حالىقتى قورعان مينيسترلىگى مەن قالا قۇرىلىسشىلارى وقيعا ورنىنا باردى.
اگەنتتىك ماليدە رۇقساتسىز جانە قۇرىلىس ەرەجەسى ساقتالماي سالىنعان عيماراتتاردىڭ ءجيى قيرايتىندىعىن اتاپ وتكەن.
