ەنسو فەرراري تۋرالى 12 دەرەك
ونىڭ كولىكتەرى كوركەم ديزاينىمەن، قولايلىعى جانە جىلدام قوزعالتقىشىمەن ايگىلى. ەنسو ءوزىنىڭ تۋىندىسىندا ادەمىلىك پەن جىلدامدىقتى بىرىكتىرە العان. يتاليالىق اۋەسقويدىڭ بار تابىسى وسى قۇپياسىندا بولىپ وتىر. تۋعان كەزىندە فەرراري تەگىن يەمدەنگەن ەلدەن ەرەك ەنسو جاسى توقسانعا كەلگەنشە كولىك جارىستارىنا دەگەن قىزىعۋشىلىعىن جوعالتقان ەمەس. ونىڭ ومىرىمەن جاقىنىراق تانىسۋدى ۇسىنامىز.
- ەنسو فەرراري اسكەردە قىزمەت ەتىپ جۇرگەندە قاتتى ناۋقاستانىپ، گوسپيتالعا اۋىستىرىلادى. ونىڭ ءحالى ناشارلاعانى سونشا، ءتىپتى مەدبيكەلەر وعان ءمان بەرۋدى قويادى. - ەنسو اۆتوجارىسقا العاش رەت 1919 -جىلى شىققان. ونىڭ اۆتوسپورتقا دەگەن قىزىعۋشىلىعى تاۋەلدىلىككە اينالىپ، ومىرلىك ءحوببيى بولادى. ءبىر جىلدىڭ كولەمىندە Alfa-Romeo كومانداسىنىڭ باس جارىسشىسى اتاعىنا قول جەتكىزەدى.
- فەرراري جەكە جارىس كومانداسىن 1929 -جىلى ىرىكتەيدى. سوسىن كولىك قۇراستىراتىن كومپانيانىڭ نەگىزىن قالايدى. - ەنسونى اۆتوقۇراستىرۋشى دەپ اتاۋعا بولمايدى. شىندىعىندا، ول ءوز كولىگىن ءوزى جاساقتاپ شىعارماعان. - ول ءومىر بويى جۇبايىن ءسۇيىپ وتكەن. دەگەنمەن، وزگە ايەلدەرى دە بولعان ەكەن. ءبىراق، ول تۋرالى تەك ءبىرىنشى ايەلى عانا بىلمەيتىن بولعان. - ونىڭ العاشقى پەرزەنتى تۋىلعانىنان ديۋشەن ديستروفوبياسىمەن اۋىراتىن بولعان. ول 24 جاسىندا اكەسىنەن بۇرىن قايتىس بولادى.
- نەكەسىز تۋعان ۇلى پەر فەرراري يمپەرياسىنىڭ زاڭدى مۇراگەرى اتانادى.
دەگەنمەن، باسقارۋ قابىلەتى جوق بولعاندىقتان، كومپانيانى ءبىراز قىسىلتاياڭ جاعدايلارعا جەتەلەگەنى دە بەلگىلى. - ەنسو كوزى تىرىسىندە كومپانياسىنىڭ 40 پايىز بولىگىن Fiat كومپانياسىنا ساتىپ جىبەرەدى. ال قايتىس بولعاننان كەيىن تاعى ەلۋ پايىزى اتالعان كومپانيانىڭ يەلىگىنە ءوتىپ كەتەدى. - جارىس كومانداسىن قۇرىپ، ءوز ەلىنىڭ اتىن شىعارۋ ەڭ باستى ماقساتى بولعان ەنسو ءوز دەگەنىنە تولىق جەتە الدى.
يتاليالىق برەند بارلىق جارىس كولىكتەرىنىڭ ىشىندە ەڭ ۇزدىگى اتانىپ ءجۇر. - ەنسو ءومىرىنىڭ سوڭعى جىلدارى قارا كوزىلدىرىك تاعىپ جۇرەدى. ءتىپتى، قاراڭعى بولمەدە دە ونى شەشپەگەن ەكەن. - فەرراري تانىم بەلگىسىندەگى ايگىلى تۇلپاردىڭ شىعۋ تاريحى وتە قاراپايىم بولعان. جارىس كولىگىنە بەلگى رەتىندە تۇلپاردى قويۋعا فرانچەسكو باراككا ەسىمدى بەلگىلى ۇشقىشتىڭ اكەسى ۇسىنىس تاستاعان. سەبەبى، ۇشقىشتىڭ جويعىشىندا دا تۇلپار بەينەسى بولىپتى. ەنسو بۇل سيمۆول ساتتىلىك الىپ كەلەدى دەپ سەنگەن ەكەن. تۇلپار قارا تۇسپەن كومكەرىلەتىن. ال سارى ءتۇستى ەنسو ءوز قالاسى مودەننىڭ قۇرمەتىنە قوسادى. - فەرراري ءومىر بويى ۇشاققا مىنۋدەن قورقىپ وتكەن. ليفتكە دە مۇلدە مىنبەگەن دەسەدى.
Massaget.kz