ءسىزدى ىنتالاندىراتىن 12 كەڭەس

 استانا. قازاقپارات - بىزگە كوپ جاعدايدا ماقساتقا جەتۋ ءۇشىن موتيۆاتسيا جەتپەي جاتادى.

اقىل مەن ساناعا جۇگىنسەك، ءبارىن تۇسىنەمىز.

ءبىراق، كەيدە جالقاۋلىق جار بەرمەي، ءبىر ءىستى باستاپ كەتۋگە باتىلىمىز جەتە بەرمەيدى. سول ءۇشىن سىزگە موتيۆاتسيا بەرۋگە جاردەمدەسەتىن 12 كەڭەستى ۇسىنعاندى ءجون كوردىك.

1. پوزيتيۆتى كوڭىل-كۇي

موتيۆاتسيادا كوتەرىڭكى كوڭىل-كۇي وتە ماڭىزدى. پوزيتيۆتى ادام ءۇشىن ءبىر ءىستى باستاپ كەتۋ وڭاي. ءومىردىڭ ءتۇرلى قيىندىقتارىنا توتەپ بەرۋ وڭايىراق، ادامدارمەن دوستاسىپ، قارىم- قاتىناس قۇرۋ جەڭىل. ەگەر ۇنەمى ىزدەنىپ، تالپىنىپ، العا ۇمتىلىپ جۇرگىڭىز كەلسە تەك جاقسى ىستەر تۋرالى ويلاپ، ماقسات قويىپ، سوعان جەتۋ ءۇشىن ايانباڭىز.

2. شىن كوڭىلىڭىزدەن شىعاتىن ىسپەن شۇعىلدانىڭىز

ءوزىڭىز ەرەكشە قۇلشىنىسپەن اينالىساتىن ىسپەن شۇعىلدانىڭىز. ءسىز ودان تابىس تاباسىز با، تاپپايسىز با - ول ماڭىزدى ەمەس. ءوزىڭىز قالاعان ىسپەن اينالىسۋ ارقىلى وزىڭىزگە قۋانىش سىيلايسىز. شىن مانىندە جۇرەك قالاۋىمەن جاسالعان ارەكەت قاشان دا ادامعا كەرەمەت موتيۆاتسيا بەرەدى.

3. باعىتتى اۋىستىرۋ

كەيدە ءتىپتى وزىڭىزگە ۇنايتىن ءىس بولسا دا، موتيۆاتسيا جەتىسپەيتىن كەزەڭ بولادى. وندا جاعدايدا نە ىستەۋ كەرەك؟ سىزگە باعىتتى اۋىستىرۋ كەرەك. ءسىز ءبىر ورىندا تىم ۇزاق ۋاقىت وتىرىپ قالدىڭىز. جۇمىس اۋىستىرىڭىز نە بولماسا اقىل-ويعا سالماق سالاتىن قىزمەتتەن بيزنەسكە ويىسىڭىز. مۇمكىندىگىنشە باسقا ىسپەن شۇعىلدانۋعا تىرىسىڭىز.

4. ءومىرىڭىزدى كۇردەلەندىرە بەرمەڭىز

ارتىق جانە قاجەت ەمەس اتاقتان ارىلىڭىز. ءوزىڭىز قيالدان قۇراستىرىپ العان جەتىستىكتەن قۇتىلىڭىز. ماسەلەن، بۇرىن مەن ءۇشىن قوعامدا ءوز ستاتۋسىمنىڭ بولعانى ماڭىزدى ەدى. ول ءۇشىن ەڭ اۋەلى جەتىستىككە جەتكەن ادام بولۋىڭ ءتيىس. ول جەتىستىكتىڭ كورسەتكىشتەرى - «جاقسى» كەڭسەدە وتىراتىن جۇمىس، جاڭا كولىك، ءوز باسپاناڭ، كارەراسى مىقتى كۇيەۋىڭنىڭ بولۋى. الايدا، مۇنىڭ ءبارى ءوزىم ءۇشىن ەمەس، مەنى قورشاعان ورتا، قوعام ءۇشىن ماڭىزدى ەدى. «جۇرت مەن تۋرالى نە ويلايدى؟» دەگەن سۇراقتىڭ جاۋابى ءۇشىن سياقتى.

ال قازىر ونداي تۇسىنىك مەن ءۇشىن ماڭىزدى ەمەس. مەنىڭ ءومىرىم قاراپايىم ەسەسىنە مەنىڭ كوڭىلىمە جاعادى. گارمونيا پايدا بولدى، جاندۇنيەم تىنىش. ەرتەڭگى كۇنگە دەگەن ءۇمىت بار - وسىنىڭ ءوزى مەنى العا جەتەلەيدى.

5. سپورتپەن شۇعىلدانىڭىز

ءسىز سپورتپەن شۇعىلدانعاندا دەنەڭىزدە ەندورفين اتتى باقىت گارمونى وندىرىلەدى. ەگەر كۇيزەلىستىڭ بەلگىلەرىن بايقاپ، ءوزىڭىزدى ناشار سەزىنسەڭىز جۇگىرۋمەن شۇعىلدانىڭىز. سپورتقا جازىلىپ، باسسەينگە بارىڭىز. سپورتقا سونشا ىنتىق بولماسام دا، ءوزىمدى ءماجبۇرلى تۇردە كوندىرەمىن. سەبەبى، باقىتقا جەتۋدىڭ تەگىن ءادىسى دەپ سانايمىن.

6. موتيۆاتسيا بەرەتىن فيلمدەر قاراڭىز

ءبىزدىڭ ومىرىمىزدە كينونىڭ ءمانى زور. موتيۆاتسيا بەرەتىن قانشاما تاعدىرلار تۋرالى فيلمدەر بار، سولاردى قاراڭىز. جىگەرىڭىزدى ارتتىرىپ، موتيۆاتسيا بەرەتىن فيلمدەردەن كەيىن بىردەن كوڭىل- كۇيىڭىز كوتەرىلىپ، پايدالى ءبىر ىسپەن شۇعىلدانۋعا ىنتا پايدا بولادى.

7. دۇرىس تاماقتانىڭىز

تاڭ قالماسقا امال جوق، تاماقتانۋدان دا موتيۆاتسيا الۋعا بولادى. قۇنارلى ءارى پايدالى اس ەڭ اۋەلى كوڭىل- كۇيگە سوسىن جۇمىس كۇنىنىڭ ونىمدىلىگىنە اسەر ەتەدى. سۋدى كوبىرەك ءىشىڭىز، كوكەنىس پەن جەمىس- جيدەك كوبىرەك تۇتىنۋعا تىرىسىڭىز، ىشكى اعزانى تازالاۋعا تىرىسىڭىز. بۇل قادام - دارىگەر مەن دارىگە كوپ شىعىندانۋدان ساقتايدى.

8. جاقسىدان ۇيرەنىپ، جاماننان جيرەنىڭىز

پايداسىز تەلەباعدارلامالار مەن ۇزىن- سونار تەلەحيكايا قاراۋدى قويىڭىز، سارى باسىلىم وقىماڭىز، ومىرگە ورىنسىز وكپەلەۋدەن ارىلىڭىز، بىرەۋدى سىناپ- مىنەۋدەن تىيىلىڭىز. مۇنىڭ ءبارى - التىن ۋاقىتىڭىزدى بوسقا ولتىرەدى. ودان دا بوس ۋاقىتىڭىز شىعا قالسا، وڭاشا قالىپ، ءومىر تۋرالى ويلانۋعا ماشىقتانىڭىز.

9. ءوزىڭىزدى دامىتۋمەن شۇعىلدانىڭىز

موتيۆاتسيا ءۇشىن رۋحاني كەمەلدەنۋگە تىرىسىڭىز. پايدالى ءارى جىگەرلەندىرەتىن كىتاپتار وقىڭىز. ءتۇرلى كۋرستار مەن ترەنينگتەرگە جازىلىپ، مۇددەلەس ادامدارمەن ارالاسىڭىز.

10. تابيعاتقا جاقىن بولىڭىز

تابيعات اياسىنا شىعىپ، ساف اۋامەن تىنىستاۋ قاشان دا دەنساۋلىققا پايدالى. گارمونيا مەن الەمنىڭ سۇلۋلىعىن سەزىنۋ ارقىلى مي تىنىعادى. تابيعات انا جانىمىزدى ەمدەپ، كوڭىلىمىزدى سەرگىتەدى.