دونالد ترامپ: كيم چەن ىنمەن كەزدەسۋ 12 ماۋسىمدا وتەدى

ترامپ كيم چەن ىنمەن اق ۇيدەگى كەزدەسۋدەن كەيىن ءدال وسىنداي مالىمدەمە جاسادى. سامميت سولتۇستىك كورەيانىڭ يادرولىق باعدارلاماسىن جابۋ ماسەلەسىن تالقىلاۋ ءۇشىن سينگاپۋردە وتەتىنىن ايتىلعان.

«ءبىز كەزدەسۋدى 12 - ماۋسىمدا سينگاپۋردە وتكىزەمىز. بايلانىسىمىز ءارى قاراي دامۋدا، بۇل - قۋانتارلىق جايت» ، - دەدى ترامپ سولتۇستىك كورەيا پرەزيدەنتىنىڭ جاقىن كومەكشىسى كيمەن چحولمەن اق ۇيدە وتكەن كەزدەسۋدەن كەيىن.

تاراپتار اراسىندا سولتۇتىك كورەيانىڭ يادرولىق باعدارلاماسىنا جانە ناتيجەسىندەگى قاۋىپسىزدىكتىڭ كەپىلىنە قاتىستى كەلىسپەۋشىلىكتەرى بار.

ا ق ش سولتۇستىك كورەيانىڭ قانداي دا كەپىل بەرمەس بۇرىن باعدارلامانى دەرەۋ جويعانىن قالايدى، الايدا پحەنيان باعدارلامادان ءبىرجاقتى تارتىپكە باس تارتۋدى ءتيىمسىز دەپ ويلايدى.

ترامپ باسپا ءسوز قىمەتىنە مالىمدەمە بەرۋ بارىسىندا سولتۇستىك كورەيا دامىعىسى كەلەتىنىن، سول سەبەپتەن يادرولىق باعدارلامانى جاباتىنىن ايتقان.

الايدا، سولتۇستىك كورەيانىڭ بۇل تالاپتى قابىلداۋى نەمەسە قابىلداماۋى تۋرالى ساۋالدارعا جاۋاپ بەرمەي، بارلىق ماسەلە 12 - ماۋسىمدا شەشىلەتىنىن، ازىرگە ەشقانداي قۇجاتتارعا قول قويىلمايتىنىن ايتقان.

كيمەن چحول ترامپپەن اق ۇيدە كەزدەسپەس بۇرىن نيۋ يوركتە ا ق ش- تىڭ مەملەكەتتىك حاتشىسى مايك پومپەومەن سينگارپۋردە سامميت وتكىزۋ تۋرالى تالقىلاعان.

كەزدەسۋدەن كەيىن پومپەو كەلىسسوزدەردە ىلگەرىلەۋ بارىن، الايدا الدا ۇلكەن جۇمىس كۇتىپ تۇرعانىن اتاپ ءوتتى.

 وتكەن اپتادا ترامپ كيم چەن ىنگە جازعان اشىق حاتىندا «پحەنياننىڭ جاۋلىق كوزقاراسىنا» بايلانىستى سولتۇستىك كورەياعا قاتىستى ءسامميتتىڭ وتكىزىلمەيتىنىن جەتكىزدى. الايدا سولتۇستىك كورەيانىڭ ءبىتىستىرۋ تۋرالى مالىمدەمەسىنەن كەيىن ول جوعارى دەڭگەيدە كەزدەسۋدى وتكىزۋ جونىندە شەشىم قابىلدادى. بۇدان كەيىن ەكى ەلدىڭ رەسمي تۇلعالارى سامميت وتكىزۋدىڭ بۇگە- شىگەسىن تالقىلاۋ ءۇشىن سولتۇستىك جانە وڭتۇستىك كورەيا شەكاراسىندا، سونىمەن بىرگە سينگاپۋر اۋماعىندا كەزدەسۋلەرىن جالعاستىرا بەردى.