وليمپيادا: ەليزابەت تۇرسىنبايەۆا 12-ورىنمەن اياقتادى

پحەنچحان. قازاقپارات - بۇگىن وڭتۇستىك كورەيانىڭ پحەنچحان قالاسىندا ءوتىپ جاتقان XXⅢ قىسقى وليمپيادا ويىندارىندا مانەرلەپ سىرعاناۋدان ايەلدەر اراسىنداعى سايىستار ءوز مارەسىنە جەتتى، دەپ حابارلايدى قازاقپارات ءتىلشىسى.

اتالعان دودادا قازاقستان اتىنان ەكى بىردەي ارۋىمىز سىنعا ءتۇستى. ونىڭ ءبىرى ەليزابەت تۇرسىنبايەۆا بولسا، ەكىنشىسى ايزا مامبەكوۆا بولاتىن. وكىنىشكە قاراي، مامبەكوۆا قىسقا باعدارلامادا ەڭ تومەنگى ۇپايعا يە بولىپ، جارىس باعدارلاماسىنان شىعىپ قالدى. ال تۇرسىنبايەۆا قىسقا باعدارلامانى 15-ورىنمەن اياقتاعان. ول قوسسايىس قورىتىندىسى بويىنشا 177.12 ۇپاي ەنشىلەپ، وليمپيادا ويىندارىن 12- ورىنمەن اياقتادى.

قىزدار اراسىنداعى مانەرلەپ سىرعاناۋدان باس جۇلدەنى رەسەيلىك الينا زاگيتوۆا 239.57 (82.92 + 156.65) جەڭىپ السا، ەكىنشى ورىندى تاعى ءبىر رەسەيلىك مانەرلەپ سىرعاناۋشى ەۆگەنيا مەدۆەديەۆا 238.26 (81.61 + 156.65) قانجىعاسىنا بايلادى. ال ۇزدىك ءۇشىنشى ورىنعا كانادالىق كەيتلين وسموند 231.02 (78.87 + 152.15) يە بولدى.

اۆتور: كۇنسۇلتان وتارباي