قازاقستاندا 12 -قاڭتاردا وتەتىن ماڭىزدى شارالارعا شولۋ
استانا
ساعات 09:00-دە ورتالىق كوممۋنيكاتسيالار قىزمەتىندە نيۋ- يوركتەن تىكەلەي بايلانىسقا شىعۋ ارقىلى بۇۇ باس حاتشىسى كومەكشىسى ميروسلاۆ ەنچتىڭ قاتىسۋىمەن ونلاين- باسپا ءسوز ءماسليحاتى وتەدى. ول بۇۇ قاۋىپسىزدىك كەڭەسى جۇمىسى جايىندا ەگجەي- تەگجەيلى مالىمەت بەرەدى دەپ كۇتىلۋدە.
ساعات 10:30-دا بەيبىتشىلىك جانە كەلىسىم سارايىندا «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەدتىڭ توراعالىعىمەن مەملەكەت باسشىسىنىڭ قازاقستان حالقىنا «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن قولداۋعا ارنالعان «قازاقستان - 2050» دەموكراتيالىق كۇشتەردىڭ جالپىۇلتتىق كواليتسياسىنىڭ وتىرىسى وتەدى دەپ كۇتىلۋدە.
ساعات 11:00 كەزىندە ورتالىق كوممۋنيكاتسيالار قىزمەتىندە قر پرەزيدەنتى نۇرسۇلتان نازاربايەۆتىڭ قازاقستان حالقىنا جولداۋى اياسىندا مەملەكەتتىك ءتيىمدى باسقارۋدى دامىتۋ شارالارىنا ارنالعان باسپا ءسوز ءماسليحاتى ۇيىمداستىرىلماق.
سونىمەن قاتار ساعات 15:00-دە ورتالىق كوممۋنيكاتسيالىر قىزمەتىندە «جاسىل ەكونوميكانى قولداۋ جانە G- Global-دى دامىتۋ كواليتسياسى» زاڭدى تۇلعالار بىرلەستىگىنىڭ باسقارما ءتورايىمى سالتانات راحىمبەكوۆانىڭ قاتىسۋىمەن باسپا ءسوز ءماسليحاتى وتەدى.
ساعات 16:00-دە ق ر ۇلتتىق مۋزەيىندە Time جانە Astana: After Future قازىرگى زامانعى ونەر كورمەسى بويىنشا كۋراتورلىق ەكسكۋرسيا بولادى.
مۇنىمەن قوسا، ساعات 16:00 ۋاقىتىندا ەلوردا اكىمدىگىندە استانا قالاسى قازاقستان حالقى اسسامبلەياسىنىڭ كەڭەيتىلگەن وتىرىسى وتەدى.
ال 17:00 كەزىندە وڭتۇستىك جانە ورتالىق ازيا بويىنشا ا ق ش مەملەكەتتىك حاتشىسىنىڭ كومەكشىسى ەليس ۋەللس ق ر پرەزيدەنتى نۇرسۇلتان نازاربايەۆتىڭ ۆاشينگتونعا ساپارى مەن ورتالىق ازيامەن ىنتىماقتاستىق تاقىرىپتارىنا ارنالعان تەلەفون ارقىلى بريفينگكە قاتىسادى. بۇل شارا اقش ەلشىلىگىندە ۇيىمداستىرىلماق.
