قازاقستاندا 12 مىڭ زەينەتكەردىڭ ەڭبەك ءوتىلى جوق

استانا. قازاقپارات - قازاقستاندا 12 مىڭ زەينەتاقى الۋشىنىڭ ەڭبەك ءوتىلى جوق. بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى سۆەتلانا جاقىپوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءمالىم ەتتى،

 دەپ حابارلايدى قازاقپارات ءتىلشىسى.

«زەينەتاقى الۋشىلار سانى بويىنشا بىزدە ەكى كورسەتكىشتىڭ بار ەكەنىن ەسكەرگەن ءجون. ءبىرىنشى كورسەتكىش - بازالىق زەينەتاقى الاتىندار، ولاردىڭ سانى بۇگىندە 2 ميلليون 139 مىڭدى قۇرايدى. ەكىنشى كورسەتكىش - ىنتىماقتاستىرىلعان زەينەتاقى الاتىن 2 ميلليون 127 مىڭ ادام»، - دەدى ۆيتسە- مينيستر.

س. جاقىپوۆا ەكى كورسەتكىش اراسىنداعى ايىرماشىلىق سەبەبىن ءتۇسىندىرىپ بەردى. «سەبەبى، ولاردىڭ اراسىندا ەڭبەك ءوتىلى جوق، بازالىق زەينەتاقى عانا تاعايىندالعان قارتتار بار. ياعني، 2 ميلليون 139 مىڭ جانە 2 ميلليون 127 مىڭ ادامنىڭ اراسىنداعى ايىرماشىلىق وسى - ەڭبەك ءوتىلى اتىمەن جوق 12 مىڭ ادام»، - دەپ ءتۇسىندىردى ول.

 اۆتور: ايجان سەرىكجان قىزى