چەرچيلدىڭ تەمەكىسىنڭ تۇقىلى ءباسساۋدا دا 12 مىڭ دوللارعا ساتىلدى

استانا. قازاقپارات - ۇلى بريتانيا پرەمەر-ءمينيسترى ۋينستون چەرچيللدىڭ (1874-1965) پاريج اۋەجايىنداعى جارتىلاي شەگىلگەن سيگارى ا ق ش- تاعى اۋكسيوندا 12 مىڭنان استام دوللارعا ساتىلدى.

Associated Press (AP) اقپارات اگەنتتىگى بەيسەنبى كۇنى حابارلاعانداي، ونلاين رەجيمىندەگى ءباسساۋدانى بوستونداعى (ماسساچۋسەتس شتاتى) RR Auction ءۇيى وتكىزگەن.

ونىڭ اقپاراتىنا سايكەس، اۋكسيوندا كۋبادا تاپسىرىسپەن جاسالعان La Corona ماركالى تەمەكى ساتىلعان. تەمەكى تۇقىلىنىڭ ۇزىندىعى 10 س م.

چەرچيلل بۇل تەمەكىنى 1947 -جىلدىڭ 11 -مامىرىندا پاريجدىڭ لە-بۋرجە اۋەجايىندا تارتقان. لوتىندا لە-بۋرجەدە قولىندا لا كورونا ۇستاپ تۇرعان بريتاندىق پرەمەر-ءمينيستردىڭ سۋرەتى جاپسىرىلعان، سۋرەتتە قولتاڭبا بار.

تەمەكى تۇقىلىن بريتاندىق ۇشقىش ۋيليام الان تەرنەر ساقتاپ قالعان. ونىڭ ەكيپاجى 1947 -جىلدىڭ مامىرىندا چەرچيللدى پاريجگە جانە قايتا  ۇلى بريتانياعا جەتكىزگەن. پالم-بيچتىك (فلوريدا شتاتى) كوللەكسيا جيناۋشى تارتىلىپ بىتپەگەن سيگاردىڭ جاڭا يەسى بولدى.