اقتوبەدە 12 جاستاعى قىزدىڭ باۋىرى اۋىستىرىلدى

اقتوبە. قازاقپارات - اقتوبەدە 12 جاستاعى قىزعا باۋىر اۋىستىرۋ وتاسى جاسالدى.
None
None

وتانى اكادەميك جاقسىلىق دوسقاليەۆ پەن وڭتۇستىك كورەيا ترانسپلانتولوگى كۆاڭ ۆۋڭ لي جانە اقتوبەلىك حيرۋرگتەر جۇرگىزدى، دەپ حابارلايدى قازاقپارات ءتىلشىسى.

اقتوبەدە وتكەن «تۋعان جەر» اكسياسىنا مارات وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىنىڭ تۇلەكتەرى جينالىپ، وتا جاسادى. ولاردىڭ اراسىندا ۇلتتىق ترانپلانتولوگيا ورتالىعىنىڭ ديرەكتورى جاقسىلىق دوسقاليەۆ، ۇلتتىق نەيروحيرۋرگيا ورتالىعىنىڭ ديرەكتورى سەرىك اقشولاقوۆ بار. اكادەميك جاقسىلىق دوسقاليەۆ تۋعان جەرى العا قالاسىنا بارىپ، جەرلەستەرىن تەگىن ەمدەدى. كەيىن اقتوبە مەديتسينا ورتالىعىندا مايىتتىك دونوردان باۋىر اۋىستىرۋ وتاسىن جاسادى. ءبىر كۇننەن سوڭ 12 جاستاعى قىزدىڭ باۋىرىن اۋىستىردى.

«اقتوبەدە وراسان زور شارا ۇيىمداستىرىلىپ وتىر. بۇل فورۋم وتە ماڭىزدى جانە مەملەكەت باسشىسىنىڭ تاپسىرمالارىن ورىنداۋعا نەگىزدەلگەن. وسىندا تۋىپ- وسكەن پەرزەنتتەرگە تۋعان جەرىنە دەگەن پارىزىن ورىنداۋعا مۇمكىندىك تۋىپ وتىر. ءبىز باتىس ايماعىندا العاش رەت باۋىرعا مايىتتىك دونوردىڭ كومەگىمەن بىرەگەي وپەراتسيا جاسادىق. وڭتۇستىك كورەيادان كەلگەن ارىپتەستەرىمەن بىرگە 12 جاستاعى بالانىڭ باۋىر اۋىستىرىلدى. بۇل تۋىستىق دونور ارقىلى جاسالعان وتا. ەلىمىزدىڭ يگىلىگىنە جۇمىس ىستەيتىن قازاقستانداعى العاشقى مەديتسينالىق كلاستەردىڭ اقتوبەدە قۇرىلعانى قۋانتادى»، - دەدى اكادەميك ج. دوسقاليەۆ.

بارلىعى «تۋعان جەر» رەسپۋبليكالىق فورۋمى اياسىندا 25 وتا جاسالدى. اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، الماتىداعى قاز ع ز ي كارديولوگيالىق كلينيكاسىنىڭ پروفەسسورى ءسالىم بەركىنبايەۆ باستاعان حيرۋرگتەر سەگىز كەشەندى وپەراتسيا جاسادى.

«اكادەميك جاقسىلىق دوسقاليەۆ تۋعان جەرى العا اۋدانىندا ءوت جولدارى اۋىراتىن ناۋقاستارعا ءۇش كۇردەلى وتا جاسادى. باۋىر اۋرۋلارىنىڭ اۋىر بەلگىلەرى بار ناۋقاستارعا كەڭەستەر بەردى. ولارعا مەديتسينا كلاستەرىنىڭ كوپسالالى اۋرۋحاناسى جانىنان ەكستيرپاتسيا جانە وڭەشتى پلاستيكامەن قايتا تىگۋ بويىنشا ءتورت جوعارى تەحنولوگيالىق وپەراتسيا جاسالدى»، - دەپ حابارلادى وبلىس اكىمىنىڭ باسپا ءسوز قىزمەتى.

دەرەكتەرگە سۇيەنسەك، بيىل وبلىستىق تۋبەركۋلەز ديسپانسەرىنىڭ قۇرىلىسى باستالدى. سونىمەن قاتار، مەديتسينالىق كومەك كورسەتەتىن ساناۆياتسيانىڭ وبلىس ارالىق ورتالىعىن قۇرۋ شەشىمى قابىلداندى.

سوڭعى جاڭالىقتار