رونالدۋ تورەشىنى يتەرىپ جىبەرگەنى ءۇشىن 12 ماتچقا دەيىن الاڭعا شىقپاۋى مۇمكىن

استانا. قازاقپارات - مادريدتىك «رەال» مەن پورتۋگاليا قۇراماسىنىڭ جۇلدىزدى فۋتبولشىسى كريشتيانۋ رونالدۋ يسپانيا سۋپەركۋبوگىنىڭ جاۋاپتى ماتچتارىن وتكىزىپ الۋى مۇمكىن، دەپ حابارلايدى Baq.kz اقپارات اگەنتتىگى life.ru-عا سىلتەمە جاساپ.

«رەال مادريد» شابۋىلشىسى رونالدۋ يسپانيا سۋپەركۋبوگى اياسىندا «بارسەلونامەن» وتكەن كەزدەسۋدىڭ 82- مينۋتىندا ەكىنشى رەت سارى قاعاز كورسەتكەن تورەشىنى يتەرگەنى ءۇشىن 4 ماتچتان 12 ماتچقا دەيىن الاڭنان شەتتەتىلۋى مۇمكىن. پورتۋگاليالىقتىڭ ءجونسىز ارەكەتى تورەشىنىڭ حاتتاماسىندا جازىلعان.

فۋتبولشى ەڭ ءبىرىنشى كەزەكتە چەمپيونات ماتچتارىندا ويناۋدان شەتتەتىلمەك. ول ءبىرىنشى سارى قاعازدى «بارسەلوناعا» گول سوعىپ، ۇستىندەگى فۋتبولكاسىن شەشىپ تاستاعان كەزدە العان بولاتىن.

ەسكە سالا كەتەيىك، مادريدتىك «رەال» «بارسەلونانى» 3:1 ەسەبىمەن ۇتتى. 16- تامىزدا وتەتىن قارىمتا كەزدەسۋدە رونالدۋ الاڭعا شىقپاۋى مۇمكىن.