10:41, 12 - ماۋسىم 2017 | GMT +5
جۇك ماشيناسى كوشەدە 12 ادامدى باسىپ كەتتى
استانا. قازاقپارات - كاۆايون قالاسىنداعى (گايتي) جۇك ماشيناسىنىڭ ءبىر توپ ادامدى قاعۋى سالدارىنان ەڭ كەمىندە 12 ادام قازا تاپتى، دەپ حابارلايدى بەلتا اگەنتتىگى كۋاگەرلەرگە سىلتەمە جاساپ.
كولىك اپاتىنا تاسىمال قۇرالى جۇرگىزۋشىسىنىڭ كولىكتى باسقارا الماعاندىعى سەبەپ بولدى.
كۇندىزگى ۋاقىتتا بولعان قايعىلى وقيعا قۇرباندارى اسىرەسە جولدىڭ جيەگىندەگى كوشە ساۋداگەرلەرى مەن جاياۋ جۇرگىنشىلەر بولدى. سونىمەن قاتار، تاعى 15 ادامنىڭ زارداپ شەككەندىگى حابارلاندى. ولاردىڭ بارلىعى اۋرۋحانالارعا جەتكىزىلىپ، كەيبىرىنىڭ جاعدايى اۋىر دەپ باعالانىپ وتىر.
